मुंबई : श्री शंकर महाराजांच्या ७४व्या पुण्यतिथी उत्सवाच्या सप्ताहाच्या निमित्ताने स्वामीराज प्रतिष्ठान निर्मित "स्वामी ओम" हा स्वामी गीतांचा सुरेल कार्यक्रम आयोजित केला आहे. या सर्व गीतांचे संगीतकार व प्रख्यात गायक शशिकांत मुंबरे हे मंगळवार दि. १८ मे २ रोजी सायंकाळी ७ वाजता आपल्या "Shree Shankar Maharaj Parivar"* या फेसबुक पेजवर फेसबुक लाईव्हच्या माध्यमातून सादर करून श्री स्वामी चरणी आपली गायन व भजनसेवा रुजू करणार आहेत.

रघुनाथ दळवी हे निरूपण करणार आहेत, तर या मूळ गीतांचे गीतलेखन श्रावण बाळ व संगीत संयोजन अशोक वायंगणकर यांनी केले असून, निर्मिती स्वामीराज प्रतिष्ठानच्या वतीने अथर्व राणे व रजनी राणे यांनी केली आहे.

यातील गीते सुरेश वाडकर व साधना सरगम अशा दिग्गज गायकांनी गायलेली आहेत. ही गीते या गीतांचे संगीतकार शशिकांत मुंबरे यांच्याच आवाजात ऐकणे ही स्वामीभक्तांसाठी मोठीच पर्वणी ठरणार आहे. तरी सर्वांनी या विशेष भक्तीसंगीत संध्येचा https://www.facebook.com/shreeshankarmaharaj।या लिंकवर अवश्य लाभ घ्यावा, असे आवाहन श्री स्वामी समर्थ भक्त परिवार समूहाने केले आहे.

---------------------------------