मुंबई- राष्ट्रवादी काँग्रेसचे अध्यक्ष शरद पवार हे आज विदर्भ दौऱ्यावर असून दुपारी अमरावती शहरात शरद पवार येणार आहे. राष्ट्रवादी काँग्रेस पार्टीला नवी बळकटी देण्यासह पदाधिकारी व कार्यकर्त्यांशी संवाद साधून पक्षाची स्थिती जाणून घेण्याकरिता राष्ट्रवादी काँग्रेस पार्टीची संवाद बैठक आज सायंकाळी ५ वाजता अमरावती येथील संत ज्ञानेश्वर सांस्कृतिक भवन येथे होणार आहे.
या बैठकीला राष्ट्रवादी काँग्रेस पार्टीचे राष्ट्रीय अध्यक्ष खासदार शरद पवार, प्रदेशाध्यक्ष जयंत पाटील व जेष्ठ नेत्यांचे देखील मार्गदर्शन लाभणार आहे. यावेळी अमरावती विभागातील पाचही जिल्ह्यातील मंत्रीगण, आमदार, माजी आमदार, पक्षाचे प्रदेश पदाधिकारी, जिल्हा निरीक्षक सर्व जिल्हाध्यक्ष, त्याचबरोबर राष्ट्रवादीच्या सर्व फ्रंटचे पदाधिकारी व कार्यकर्ते यांच्याशी संवाद करून पक्ष बळकटीला घेऊन शरद पवार यांचे बहुमोल मार्गदर्शन लाभणार आहे.