मध्य रेल्वे, हार्बर मार्गावर रविवारी मेगाब्लॉक नाही; प्रवाशांना दिलासा

पश्चिम रेल्वेवर दिवसा कोणताही मेगाब्लॉक नाही.

मुंबई - उपनगरी रेल्वे मार्गावरील रुळांची दुरुस्ती तसेच सिग्नल यंत्रणेत काही तांत्रिक कामे करण्यासाठी रविवारी ७ मे रोजी ट्रान्सहार्बर आणि पश्चिम रेल्वेवर मेगा ब्लॉक घेण्यात येणार आहे. मध्य रेल्वेच्या  ट्रान्सहार्बर ठाणे - वाशी / नेरूळ अप आणि डाउन  मार्गावर, तर पश्चिम रेल्वेच्या बोरिवली - गोरेगाव अप- डाऊन जलद मार्गावर मेगाब्लॉक असेल. रविवारी मध्य आणि हार्बर मार्गावर दिवसा कोणताही मेगाब्लॉक नसेल. त्यामुळे प्रवाशांना दिलासा मिळणार आहे.  

ट्रान्सहार्बर 

कुठे : ठाणे - वाशी / नेरूळ   अप आणि डाउन जलद मार्गावर
कधी : सकाळी ११:१० ते दुपारी ०४:१०  पर्यंत
परिणाम : या ब्लॉकदरम्यान  ठाणे येथून  वाशी / नेरूळ / पनवेलसाठी सुटणाऱ्या डाउन मार्गावरील सेवा आणि (वाशी / नेरूळ / पनवेल येथून ठाणेकरिता सुटणाऱ्या अप मार्गावरील सेवा रद्द राहणार आहे. रविवारी मध्य रेल्वेच्या मुख्य मार्गावर आणि हार्बर मार्गावर मेगा ब्लॉक नाही. 

पश्चिम रेल्वे

कुठे :  गोरेगाव ते बोरिवली अप - डाऊन जलद  मार्गावर
कधी : शनिवारी रात्री ११:४५  ते रविवारी पहाटे ४:१५ वाजेपर्यंत
परिणाम: या ब्लॉकदरम्यान अप-डाउन जलद मार्गावरील लोकल सेवा गोरेगाव ते बोरिवली  स्थानकादरम्यान धीम्या  मार्गावर वळविण्यात  येणार आहेत. या ब्लॉकमुळे काही लोकल गाड्या रद्द असणार आहेत. पश्चिम रेल्वेवर दिवसा कोणताही मेगाब्लॉक नाही.