दोन अपघातांत एक ठार; एक जखमी

वेगवेगळ्या दोन रस्ते अपघातांत एका मोटारसायकलस्वाराचा मृत्यू झाला असून दुसऱ्या घटनेत, एक जण जखमी झाला आहे. या दोन्ही अपघातप्रकरणी चौघांविरोधात गुन्हा दाखल झाला आहे.

ठाणे : वेगवेगळ्या दोन रस्ते अपघातांत एका मोटारसायकलस्वाराचा मृत्यू झाला असून दुसऱ्या घटनेत, एक जण जखमी झाला आहे. या दोन्ही अपघातप्रकरणी चौघांविरोधात गुन्हा दाखल झाला आहे.
यातील एका घटनेत मोटारसायकल आणि कारमध्ये ईस्टर्न एक्स्प्रेस हाय वे रोडवर रेसिंग सुरू असताना अपघात झाल्याचे तक्रारीत नमूद असल्याची माहिती पोलिसांनी दिली. टेंभीपाडा परिसरात राहणारे हेमंत कदम (२७) हे शुक्रवारी विवियाना मॉलच्या जवळील उड्डाणपुलावर आले असताना मोटारसायकल आणि कारची सुरू असलेल्या रेसिंगमुळे कारचालकाने ब्रेक दाबला. त्यामुळे पाठीमागून येणाऱ्या ट्रकने ठोकर दिली. या अपघातात हेमंत यांचा पाय फॅ्रक्चर झाला आहे. दुसऱ्या अपघातात घोडबंदर रोडवरील गायमुख वळणावर भरधाव वेगाने चाललेल्या ट्रकने मोटारसायकलस्वारास धडक दिली. या अपघातात मोटारसायकलस्वाराचा मृत्यू झाल्याची तक्रार पोलीस कॉन्स्टेबल गणेश जाधव यांनी दिली असून ट्रकचालकाचा शोध सुरू असल्याची माहिती कासारवडवली पोलिसांनी दिली. (प्रतिनिधी)