मुंबईत मुलांसाठी ‘ऑपरेशन मुस्कान’
By लोकमत न्यूज नेटवर्क | Published: June 1, 2021 04:06 AM2021-06-01T04:06:08+5:302021-06-01T04:06:08+5:30
मुंबई : मुंबईत दि. १ जून ते ३१ जूनदरम्यान ‘ऑपरेशन मुस्कान - १०’ राबविण्यात येत आहे. रस्त्यावर किंवा कुठेही ...
मुंबईत मुलांसाठी ‘ऑपरेशन मुस्कान’
मुंबई : मुंबईत दि. १ जून ते ३१ जूनदरम्यान ‘ऑपरेशन मुस्कान - १०’ राबविण्यात येत आहे. रस्त्यावर किंवा कुठेही बेवारस अवस्थेत, भीक मागताना तसेच संशयास्पद स्थितीत लहान मुले दिसून येताच, तत्काळ पोलिसांच्या १०० तसेच १०९८ या हेल्पलाईन क्रमांकावर संपर्क साधण्याचे आवाहन मुंबई पोलिसांनी केले आहे.
.................................................
फेसबुकवरील जाहिरात पडली महागात
मुंबई : फेसबुकवर दुचाकी विक्रीची जाहिरात देत ठगाने सीआयएसएफ या निमलष्करी दलात जवान असल्याची बतावणी करत लोअर परळमधील एका व्यक्तीची फसवणूक केल्याचा प्रकार समोर आला आहे. यात त्यांच्याकडून ८२ हजार रुपयेे उकळण्यात आले. याप्रकरणी ना. म. जोशी मार्ग पोलीस तपास करत आहेत.
.................................................
‘त्या’ गुन्ह्यातील पसार आरोपीही जेरबंद
मुंबई : तृतीयपंथीयाकडे सेक्सची मागणी केली म्हणून सुहेल अहमद नूर मोहम्मद शाह (३६) या तरुणाची गेल्या आठवड्यात हत्या करण्यात आली होती. या प्रकरणातील पसार आरोपी मोहम्मद यासीन मोईन खान उर्फ इरफान उर्फ घोडा (२६) यालाही शिवाजी नगर पोलिसांनी सोमवारी अटक केली. या प्रकरणात एका बाल गुन्हेगारासह ७ जणांवर कारवाई करण्यात आली आहे.
...............................
