(पान १ ) स्कूल बसची शाळकरी मुलाला धडक

स�

��कूल बसची शाळकरी मुलाला धडक
ओशिवर्‍यातील घटना, ९ वर्षीय बालक गंभीर जखमी
मुंबई: जोगेश्वरीतील ओशिवरा येथे एका १२ वर्षीय मुलाचा स्कूल बसच्या धडकेत मृत्यू झाल्याच्या घटनेला २४ तास होत नाही, तोच अजून एका ९ वर्षीय मुलाला स्कूल बसने धडक दिल्याची घटना गुरुवारी दुपारी घडली आहे. या अपघातात हर्ष जयपाल दुर्गा हा मुलगा गंभीररित्या जखमी झाला आहे.
याप्रकरणी ओशिवरा पोलिसांनी बसचालक मोहमद रफिक अब्दुल गन्नी (३०) ला निष्काळजीपणे वाहन चालविल्याप्रकरणी अटक केली आहे. हर्ष जोगेश्वरी बेहराम बाग येथील सन फ्लॉवर शाळेतील तो तिसर्‍या इयत्तेतील विद्यार्थी असून जोगेश्वरी आनंदनगर येथील चाळीत तो आपल्या कुटुंबियांसह राहतो.
अंधेरी म्हाडा चार बंगला येथील सेंट मेरी स्कूलची बस घेऊन मोहमद ओशिवरा लिंक रोड येथील मेगा मॉलजवळ आला होता. त्यावेळी हर्ष रस्ता ओलांडत असताना बसने त्याला जोरदार धडक दिली. बसचे चाक त्याच्या पायावरून गेल्याने त्याचा उजवा पाय फॅक्चर झाला आहे. प्रतिनिधी)