मुंबई : राज्य सामायिक प्रवेश परीक्षा कक्षाने घेतलेल्या विविध व्यावसायिक अभ्यासक्रमांच्या सर्व प्रवेश परीक्षांचे निकाल ५ डिसेंबर सीईटी कक्षाच्या अधिकृत संकेतस्थळावर प्रसिद्ध करण्यात येणार आहेत. तसेच केंद्रीभूत प्रवेश प्रक्रिया डिसेंबरच्या पहिल्या आठवड्यापासून सुरू होईल, अशी माहिती उच्च व तंत्र शिक्षणमंत्री उदय सामंत यांनी दिली.
सीईटी सेलअंतर्गत विविध व्यावसायिक अभ्यासक्रमांच्या प्रवेशासाठी घेण्यात येणाऱ्या सीईटी परीक्षा ऑक्टोबर आणि नोव्हेंंबरमध्ये झाल्या. विविध १६ परीक्षा देणारे ६ लाख ४८ हजार २१८ विद्यार्थी निकालाच्या प्रतीक्षेत आहेत.