प्रियकराला अश्लील चाळे करताना पकडल्याचा राग
खारघरमध्ये सायकॉलॉजीच्या विद्यार्थिनीची हत्या
थर्टी फर्स्ट सेलिब्रेशनदरम्यानचा खारमधील प्रकार : प्रियकराला अश्लील चाळे करताना पकडल्याचा राग
लोकमत न्यूज नेटवर्क
मुंबई : अन्य मैत्रिणीसोबत प्रियकराला अश्लील चाळे करताना रंगेहाथ पकडले या रागात जान्हवी कुकरेजा नामक सायकॉलॉजीच्या विद्यार्थिनीचा प्रियकर आणि तिच्या मैत्रिणीने केलेल्या मारहाणीत मृत्यू झाला. खारघरमध्ये हा प्रकार घडला आहे. या प्रकरणी प्रियकरासह मैत्रिणीला अटक करण्यात आली आहे.
जान्हवी ही जयहिंद महाविद्यालयात शिकत होती. ३१ डिसेंबर, २०२० च्या रात्री तिने वडिलांचा वाढदिवस साजरा केला. त्यानंतर इमारतीच्या टेरेसवर तिचा प्रियकर श्री जोगधनकर आणि मैत्रीण डी. पडळकर यांच्या सोबत पार्टी करायला गेली. याचदरम्यान तिला बेदम मारहाण करण्यात आली. तिला जखमी अवस्थेत रुग्णालयात दाखल करण्यात आले, मात्र उपचारादरम्यान १ जानेवारी, २०२१ रोजी तिचा मृत्यू झाला. या प्रकरणी खार पोलिसांनी खुनाचा गुन्हा दाखल करीत सीसीटीव्ही फूटेज पडताळले. त्या वेळी जोगधनकर हा फाटलेल्या शर्टात इमारतीतून बाहेर पडताना त्यांना दिसला.
सूत्रांनी दिलेल्या माहितीनुसार, त्याला पडळकरसोबत अश्लील चाळे करताना जान्हवीने रंगेहाथ पकडले. त्यावरून त्यांच्यात वाद झाला आणि दोघांनी जान्हवीला मारहाण केली ज्यात तिचा मृत्यू झाला. या प्रकरणी खार पोलीस चौकशी करीत आहेत.
........................