रेल्वे अपघातांत आठवड्यात ४४ मृत्यू

उपनगरीय रेल्वे मार्गावर २५ नोव्हेंबर ते १ डिसेंबर या आठवडाभरात तब्बल ४४ प्रवाशांचा अपघातात मृत्यू झाला

मुंबई : उपनगरीय रेल्वे मार्गावर २५ नोव्हेंबर ते १ डिसेंबर या आठवडाभरात तब्बल ४४ प्रवाशांचा अपघातात मृत्यू झाला असून ७५ प्रवाशी जखमी झाले आहेत. मृतांमध्ये ४ महिला तर ४० पुरुषांचा समावेश आहे. या कालावधीत सर्वात जास्त ८ मृत्यू २९ नोव्हेंबरला झाले आहेत. त्यानंतर २७ नोव्हेंबरला७ बळी, तर सर्वात कमी म्हणजे ५ बळी २५ नोव्हेंबरला गेले. तर २६, २८, ३० नोव्हेंबर व १ डिसेंबरला या चारही दिवशी दररोज ६ बळी गेले आहेत.