टिटवाळा : गेल्या दोन महिन्यांत मध्य रेल्वेच्या कल्याण-कसारा रेल्वे मार्गावर रुळाला तडे जाण्याच्या घटनांत वाढ झाली आहे. बुधवारी सकाळीही टिटवाळा-आंबिवलीदरम्यान याचीच पुनरावृत्ती झाली. सकाळी ७ च्या सुमारास रेल्वेसेवा विस्कळीत झाल्याने नोकरदारांचे हाल झाले. दोन महिन्यांतील ही तिसरी घटना असल्याने प्रवासीवर्गातून रेल्वे प्रशासनाविरुद्ध संताप व्यक्त होत आहे. यामुळे मुंबई व कसारादरम्यानची वाहतूक दोन तास ठप्प होऊन नंतर धीम्या गतीने सुरू झाली, तसेच तपोवन एक्स्प्रेस, काशी एक्स्प्रेसही खोळंबली होती. टिटवाळा येथील रेल्वे फाटकावर वाहनांच्या लांबच लांब रांगा लागल्या होत्या.
रुळाला तडे गेल्याने रेल्वे विस्कळीत
By admin | Published: October 08, 2015 2:58 AM