खड्ड्यामुळे अपघाताचा धोका

मुंबई : अंधेरी पूर्व जंक्शन येथे सहार वाहतूक पोलीस चौकीजवळ रस्त्यावर खड्डा पडला आहे. यामुळे मोठी वाहतूक कोंडी होते, त्यामुळे तो लवकर दुरुस्त करण्यात यावा, अन्यथा अपघात होऊ शकतो, असे नागरिकांचे म्हणणे आहे.

--

मुंबई-मडगाव विशेष उत्सव गाडीला मुदतवाढ

मुंबई : रेल्वे मुंबई आणि मडगावदरम्यान विशेष उत्सव ट्रेन सेवांना मुदतवाढ देण्यात आली आहे. मुंबई-मडगाव विशेष दैनिक उत्सव गाडी १ नोव्हेंबर २०२१ ते ३० जानेवारी २०२२ पर्यंत दररोज, तर मुंबई-मडगाव विशेष दैनिक उत्सव गाडीला २ नोव्हेंबर २०२१ ते ३१ जानेवारी २०२२ पर्यंत दररोज चालविण्यास मुदतवाढ देण्यात आली आहे. कन्फर्म तिकीट असलेल्या प्रवाशांनाच या विशेष गाड्यांमध्ये चढण्याची परवानगी असून, कोरोना नियमांचे पालन करणे आवश्यक आहे. विशेष गाडीचे विशेष शुल्कासह बुकिंग २० सप्टेंबर २०२१ पासून सर्व संगणकीकृत आरक्षण केंद्रांवर आणि रेल्वेच्या संकेतस्थळावर सुरू होणार आहे.

--------------------------मॅनहोल की स्पीड ब्रेकर

मुंबई : बीकेसी येथे ट्रेड सेंटरच्या बाजूला रस्त्यातील मॅनहोलला मोठे झाकण लावण्यात आले आहे; पण ते झाकण स्पीडब्रेकरसारखे मोठे आहे. त्याला गाडी लागून अपघात होण्याची शक्यता आहे.