Sanjay Raut vs BJP LIVE Updates: मोहित कंबोज नावाचा व्यक्ती फडणवीसांना बुडवणार- संजय राऊत

Sanjay Raut Press Conference vs BJP LIVE Updates : शिवसेनेचे खासदार आणि नेते संजय राऊत आज दुपारी चार वाजता मुंबईतील शिवसेना भवनात पत्रकार परिषद घेऊन मोठा गौप्यस्फोट करणार आहेत. या संपूर्ण राजकीय घडामोडींचे लाइव्ह अपडेट्स...

Sanjay Raut Press Conference vs BJP LIVE Updates : शिवसेनेचे खासदार आणि नेते संजय राऊतSanjay Raut आज दुपारी चार वाजता मुंबईतीलशिवसेना भवनात पत्रकार परिषद घेऊन मोठा गौप्यस्फोट करणार आहेत. पत्रकार परिषदेला शिवसेनेचे सर्व महत्त्वाचे नेते आणि खासदार उपस्थित राहणार आहेत. केंद्रीय तपास यंत्रणांचा गैरवापर होत असल्याचा आरोप संजय राऊत गेल्या अनेक महिन्यांपासून करत आहेत. याच पार्श्वभूमीवर राऊत आज नेमका कोणता गौप्यस्फोट करणार याकडे सर्वांचं लक्ष लागून राहिलं आहे. या संपूर्ण राजकीय घडामोडींचे लाइव्ह अपडेट्स...

LIVE

Get Latest Updates

06:24 PM

संजय राऊतांच्या पत्रकार परिषदेतील १० मुद्दे...

संजय राऊतांनी संपूर्ण पत्रकार परिषदेत कुणावर आणि काय आरोप केले? वाचा सहजसोप्या १० मुद्द्यांमध्ये!  येथे क्लिक करा आणि जाणून घ्या...

04:56 PM

पत्राचाळची जमीन खरेदी करणारा मोहित कंबोज. यात पीएमसी घोटाळ्यातील पैसा वापरला गेला- संजय राऊत

04:55 PM

मोहित कंबोज नावाचा व्यक्ती फडणवीसांना बुडवणार- संजय राऊत

04:51 PM

तुम्ही दिल्लीत जा अथवा ज्यो बायडनकडे जा मला फरक पडत नाही, संजय राऊतांचं भाजपाला रोखठोक आव्हान

04:48 PM

जितेंद्र चंद्र नवलानी कोण आहे? हे सांगावं. हे नाव ऐकून केंद्र, ईडीला घाम फुटला असेल- संजय राऊत

04:48 PM

मुंबईत ईडीच्या नावानं ७० बिल्डरांकडून कोट्यवधींची वसुली केली जातेय, संजय राऊतांचा आरोप

04:45 PM

सोमय्यांच्या गैरव्यवहारांची कागदपत्र ३ वेळा ईडी कार्यालयात देऊनही कारवाई झालेली नाही- संजय राऊत

04:43 PM

किरीट आणि नील सोमय्यांना तातडीनं अटक करा, संजय राऊत यांची मागणी

04:42 PM

पीएमसी बँक घोटाळ्यातील आरोपी राकेश वाधवान याचा थेट भाजपाशी आर्थिक संबंध, भाजपाला २० कोटी रुपये दिले- संजय राऊत

04:40 PM

पीएमसी बँक घोटाळ्याचा आरोपी राकेश वाधवान याच्याशी किरीट सोमय्यांचे आर्थिक संबंध

04:39 PM

निकॉन इन्फ्रा कंस्ट्रक्शन कंपनी कुणाची? ही कंपनी किरीट सोमय्यांची असून ते राकेश वाधवान यांचे पार्टनर आहेत, संजय राऊत यांचा आरोप

04:37 PM

फडणवीसांच्या काळात महाआयटीमध्ये २५ हजार कोटींचा घोटाळा झाल्याचा संजय राऊत यांचा आरोप

04:35 PM

फडणवीसांच्या काळात महाराष्ट्रात सर्वात मोठा घोटाळा- संजय राऊत

04:35 PM

एका माजी वनमंत्र्यांच्या मुलीच्या लग्नात ९ कोटींचे कार्पेट वापरलं गेलं, संजय राऊतांचा आरोप 

04:33 PM

मी कपडे शिवले तिथंही ईडीचे लोक चौकशीसाठी गेले, संजय राऊतांचा आरोप

04:31 PM

माझ्या मुलीच्या लग्नात मेहंदी, नेलपॉलीश करणाऱ्यांचीही ईडीकडून चौकशी- संजय राऊत

04:30 PM

संजय राऊत लाइव्ह...

04:23 PM

बाळासाहेबांचे शब्द ज्या व्यक्तीने सामनाच्या माध्यमातून २३ वर्षे शिवसैनिक आणि सामान्य माणसासमोर आणण्याचे काम केलंय ती व्यक्ती म्हणजे संजय राऊत आहेत. ते भाजपच्या धमक्यांना घाबरतील असं केवळ भाजपवाल्यांनाच वाटू शकतं- संजय राऊत

04:22 PM

महाराष्ट्र आमच्या बापाचा. पाहू कोण राहतंय. तपास यंत्रणांना हाताशी घेऊन इथं कुणी दादागिरी करू नये. आजची पत्रकार परिषद खरंतर ईडीच्या कार्यालयाबाहेर घेणार होतो- संजय राऊत

04:20 PM

मुलुंडचा दलाल पत्रकार परिषद घेऊन सांगतो की कुणाच्या घरावर धाडी पडणार, संजय राऊतांकडून किरीट सोमय्यांचा 'मुलुंडचा दलाल' असा उल्लेख

04:16 PM

भाजपाचे काही प्रमुख लोक मला भेटले..तीन वेळा भेटले. त्यांनी मला वांरवार हे सांगायचा प्रयत्न केला की तुम्ही या सरकारच्या प्रवाहातून बाहेर पडा.

04:14 PM

बाळासाहेबांनी आम्हाला एक मंत्र दिला.. आयुष्यभराचा मंत्र आहे.. तू काही पाप केलं नसशील, गुन्हा केला नसेल तर कुणाच्या बापाला घाबरू नका... आज उद्धव ठाकरेही याच पद्धतीने ही शिवसेना पुढे घेऊन जात आहेत...

04:14 PM

मन साफ असेल तर घाबरण्याची गरज नाही

मन साफ असेल तर कुणाच्या बापालाही घाबरण्याची गरज नाही असं बाळासाहेब नेहमी सांगायचे. महाराष्ट्राचं सरकार पाडण्यासाठी केंद्रीय तपास यंत्रणांचा वापर

04:11 PM

उद्धव ठाकरे आणि शरद पवारांनीही आशीर्वाद दिले

आजची पत्रकार परिषद मुख्यमंत्री उद्धव ठाकरे आणि राष्ट्रवादी काँग्रेसचे अध्यक्ष शरद पवार देखील पाहत आहेत. त्यांनीही आशीर्वाद दिले आहेत, असं संजय राऊत म्हणाले.

04:10 PM

संजय राऊतांच्या पत्रकार परिषदचं थेट प्रेक्षपण...

04:00 PM

शिवसेना भवनाच्या बाहेर शिवसैनिकांची तुफान गर्दी...

मुंबई: शिवसेना भवनाबाहेर शिवसैनिकांची तुफान गर्दी, संजय राऊतांच्या पत्रकार परिषदेवर सर्वांचं लक्षhttps://t.co/yz6lgE4c70pic.twitter.com/8yg5JjaGKN

— Lokmat (@lokmat) February 15, 2022

03:55 PM

थेट शिवसेना भवनातून लाइव्ह...

03:45 PM

पत्रकार परिषदेसाठी काही कागदपत्रं आणली गेली आहेत.

03:38 PM

संजय राऊत शिवसेना भवनात पोहोचले, तुफान गर्दी

संजय राऊत शिवसेनेच्या पत्रकार परिषदेसाठी शिवसेना भवनात पोहोचले असून शिवसेना भवनाबाहेर कार्यकर्त्यांची तुफान गर्दी झाली आहे.  

03:34 PM

संजय राऊत पत्रकार परिषदेसाठी शिवसेना भवनाकडे रवाना

प्रभादेवी येथील 'सामना'च्या कार्यालयातून शिवसेना नेते संजय राऊत पत्रकार परिषदेसाठी शिवसेना भवनाकडे रवाना झाले आहेत.

03:29 PM

संजय राऊत पत्रकार परिषदेसाठी शिवसेना भवनाकडे रवाना

प्रभादेवी येथील 'सामना'च्या कार्यालयातून शिवसेना नेते संजय राऊत पत्रकार परिषदेसाठी शिवसेना भवनाकडे रवाना झाले आहेत.

03:04 PM

शिवसेना भवनाबाहेर शिवसेनाच्या कार्यकर्त्यांची गर्दी

03:00 PM

शिवसेना भवनात पत्रकार परिषदेसाठी LED स्क्रीन तयार

संजय राऊत घेणार असलेल्या पत्रकार परिषदेसाठी शिवसेना भवनात LED स्क्रीन लावण्यात आली आहे. ही स्क्रिन सुरू करण्याचं काम आता पूर्ण झालं असून पत्रकार परिषदेसाठीचा शेवटचा १ तास आता शिल्लक राहिला आहे. 

02:31 PM

शिवसेना भवनाबाहेरून 'लोकमत' थेट लाइव्ह...

02:21 PM

मुंबई पोलिसांनी केलं महत्त्वाचं आवाहन

शिवसेना भवन येथे शिवसेनेच्या पत्रकार परिषदे निमित्त शिवसेना भवनाबाहेर गर्दी जमण्याची शक्यता आहे. यामुळे तेथील मार्गांवर वाहतूक कोंडी होण्याची शक्यता आहे. याच पार्श्वभूमीवर मुंबई पोलिसांनी वाहन चालकांना इतर मार्गांचा वापर करण्याचा सल्ला दिला आहे.

मुंबईतील सर्व नागरिकांना विनंती करण्यात येते की गडकरी चौक, दादर, मुंबई येथे राजकीय कार्यक्रम असल्याने कोतवाल गार्डन ते गडकरी जंक्शन ते राजबढे चौक दोन्ही वाहिनीवर दुपारी 14.00 ते 18.00 वा पर्यंत वाहतुक संथ गतीने चालू राहू शकते. कृपया आपण नमूद वेळी पर्यायी मार्गाचा वापर करावा.

— Mumbai Police (@MumbaiPolice) February 15, 2022

02:20 PM

शिवसैनिक 'झुकेंगे नही'चे 'टी-शर्ट' घालून पोहोचले

मुंबई: शिवसेना भवनात आज संजय राऊत घेणार असलेल्या पत्रकार परिषदेसाठी शिवसैनिक 'झुकेंगे नही'चे टी-शर्ट घालून शिवसेना भवनाबाहेर जमण्यास सुरुवात...https://t.co/yz6lgE4c70pic.twitter.com/0twsrTB74u

— Lokmat (@lokmat) February 15, 2022

02:16 PM

रस्त्यावर LED स्क्रीन

संपूर्ण महाराष्ट्राने आमची आजची पत्रकार परिषद पहावी असे आवाहन संजय राऊत यांनी केलं होतं. त्या पार्श्वभूमीवर आज शिवसेना भवनाबाहेर मोठी एलईडी स्क्रीन लावण्यात आलेली आहे. यावर आजच्या पत्रकार परिषदेचे थेट प्रक्षेपण करण्यात येणार आहे.

02:13 PM

पोलीस बंदोबस्तात वाढ

शिवसेना भवनाबाहेर नेहमीच पोलिसांची सुरक्षा असते. मात्र, आज होणार या पत्रकार परिषदेसाठी प्रमुख नेते व शिवसेनेचे आमदार खासदार येणार असल्याने शिवसेना भवनाबाहेरची सुरक्षा व्यवस्था वाढविण्यात आली आहे. सुरक्षेच्या कारणास्तव शिवसेना भवनात येणाऱ्या प्रत्येकाची तपासणी केली जात आहे. इथे मुंबई पोलिसांच्या श्वान पथकातील एक श्वान सुद्धा आणण्यात आले आहे.

02:13 PM

शिवसेना भवनात पत्रकार परिषदेसाठीची जोरदार तयारी

शिवसेना भवनातील पत्रकार परिषदेची तयारी पूर्ण झाली असून पत्रकार परिषदेच्या ठिकाणी स्क्रिन देखील लावण्यात आल्या आहेत.

02:06 PM

शिवसेना भवनाबाहेर 'झुकेंगे नही'चे पोस्टर

शिवसेना भवनाबाहेर झुकेंगे नहीचे पोस्टर लावत शिवसैनिकांनी भाजपाविरोधात जोरदार घोषणा देणं सुरू केलं आहे. आजच्या पत्रकार परिषदेत संजय राऊत नेमकं काय बोलणार याकडे लक्ष.

शिवसेना भवनाबाहेर 'झुकेंगे नही'चे पोस्टर, आजच्या पत्रकार परिषदेआधी जोरदार हवा pic.twitter.com/Hu2QQGvIaL

— Lokmat (@lokmat) February 15, 2022

01:47 PM

संजय राऊत यांचं सूचक ट्विट

संजय राऊत यांनी आज शिवसेना भवनाबाहेर उभं असतानाचा स्वत:चा एक फोटो ट्विट करुन त्याला जय महाराष्ट्र असं कॅप्शन दिलं आहे. 

जय महाराष्ट्र pic.twitter.com/pZwS2WCXWg

— Sanjay Raut (@rautsanjay61) February 15, 2022

01:46 PM

राज्यात ठिकठिकाणाहून कार्यकर्ते मुंबईच्या दिशेनं रवाना

संजय राऊत यांच्या पत्रकार परिषदेसाठी राज्यातील ठिकठिकाणाहून शिवसेनेचे कार्यकर्ते देखील मुंबईच्या दिशेनं रवाना झाले आहेत. त्यामुळे आज राऊत नेमका काय गौप्यस्फोट करणार हे पाहणं महत्त्वाचं बनलं आहे.

01:45 PM

दुपारी ४ वाजता संजय राऊतांची पत्रकार परिषद

शिवसेना नेते आणि खासदार संजय राऊत आज दुपारी चार वाजता मुंबईत शिवसेना भवन येथे पत्रकार परिषद घेऊन मोठा गौप्यस्फोट करणार असल्याची माहिती देण्यात आली आहे.