सुरक्षा ऐरणीवर

तळोजा मध्यवर्ती कारागृहात एका कैद्याने आत्महत्या करण्याचा प्रयत्न केल्याचा प्रकार उघडकीस आला आहे.

नवी मुंबई : तळोजा मध्यवर्ती कारागृहात एका कैद्याने आत्महत्या करण्याचा प्रयत्न केल्याचा प्रकार उघडकीस आला आहे. कुख्यात गुंड अबू सालेम व मुस्तफा डोसा यांच्यातील अंतर्गत संघर्षामुळे अगोदरच चर्चेत असलेल्या या कारागृहातील कैद्यांच्या सुरक्षिततेचा प्रश्न या घटनेने पुन्हा एकदा ऐरणीवर आला आहे. नवशाद अहमद शेख (२५) या कैद्याने सर्कल ५ च्या बॅरेक क्रमांक १३ मधील शौचालयात रविवारी आत्महत्या करण्याचा प्रयत्न केला. शौचालयात गळफास घेण्याच्या प्रयत्नात असताना दुसऱ्या एका कैद्याच्या निदर्शनास हा प्रकार आला. त्यामुळे त्याचे प्राण वाचले. शेख हा बेकायदा शस्त्र बाळगल्याच्या आरोपावरून तळोजा कारागृहात शिक्षा भोगत आहे. त्याच्या आत्महत्येच्या फसलेल्या प्रयत्नामुळे मात्र कारागृहात खळबळ उडाली. दरम्यान, खारघर पोलीस ठाण्यात याची नोंद करण्यात आली आहे.(प्रतिनिधी)