खेळणी विकण्याच्या व्यवसायाआड चरसची विक्री

तरुणाला अटक; गुन्हे शाखेची कारवाई

लोकमत न्यूज नेटवर्क

मुंबई : लहान मुलांची खेळणी विकण्याच्या व्यवसायाआड़ चरसची विक्री करणाऱ्या तरुणाला गुन्हे शाखेने अटक केली. या तरुणाकडून २२ लाख ५० हजार किमतीचा ७५० ग्रॅम वजनाचा चरस जप्त करण्यात आला.

गुन्हे शाखेच्या कक्ष १०चे प्रभारी पोलीस निरीक्षक महेश कुमार ठाकूर यांच्या मार्गदर्शनाखाली ड्रग्ज विक्री करणाऱ्यांवर पथक लक्ष ठेवून आहे. दरम्यान, बुधवारी रात्री ११च्या सुमारास सहाय्यक पोलीस निरीक्षक वाहिद पठाण हे पथकासह गोवंडी टिंबर मार्केटजवळ गस्त घालत असताना एका तरुणाच्या संशयास्पद हालचाली दिसून आल्या. पथकाने त्याला ताब्यात घेतले. त्याच्या झडतीत ७५० ग्रॅम वजनाचा चरस सापडला.

दरम्यान, अटक केलेला आरोपी धारावीचा रहिवासी असून, तो लहान मुलांची खेळणी विकण्याचा व्यवसाय करतो. खेळणी विक्रीच्या आड तो चरसची तस्करी करत होता. त्याच्याविरुद्ध देवनार पोलीस ठाण्यात गुन्हा दाखल करून या गुन्ह्यात त्याला अटक करण्यात आली. देवनार पोलीस त्याची अधिक चाैकशी करत आहेत.

................................