video: कुठे कचरा तर कुठे गुटख्याचे डाग; मुंबईकरांनी 'अटल सेतू'ला बनवले पिकनिक स्पॉट

मुंबई महानगर प्रदेश विकास प्राधिकरणाने जाहीर केलेल्या आकड्यांनुसार शनिवारी, सुमारे 9,000 वाहने पुलावरुन गेली.

Sewri Nhava sheva Sea Link Bridge: दोन दिवसांपूर्वीच पंतप्रधान नरेंद्र मोदी यांनी बहुचर्चित शिवडी न्हावा सी लिंक अटल सेतूचे उद्घाटन केले. देशाच्या पायाभूत सुविधांमध्ये मानाचा तुरा म्हणून या 21.8 किमी लांबीच्या सेतूकडे पाहिले जात आहे. मुंबई महानगर प्रदेश विकास प्राधिकरणाने जाहीर केलेल्या आकड्यांनुसार शनिवारी, सुमारे 9,000 वाहने पुलावरुन गेली. शनिवारी हा पूल जनतेसाठी खुला केल्यानंतर अवघ्या काही तासांतच अनेक मुंबईकर नियमांची पायमल्ली करताना दिसले. सोशल मीडियावर अनेक फोटो आणि व्हिडिओ समोर आले आहेत, ज्यात अनेकजण पुलावर त्यांची वाहने थांबवून फोटो आणि सेल्फी घेताना दिसत आहेत. 

When it's Said

No Stopping

On #MTHL

This has to Happen..

Then Zoom and See the circled area..

Pic by @sunilcrediblepic.twitter.com/ZtvsF13ALQ

— मुंबई Matters™ (@mumbaimatterz) January 13, 2024

प्रशासनाने पुलावरुन जाताना शंभर किमीची वेग मर्यादा सेट केली असूनही, लोक चक्क पुलावर वाहने थांबवून गर्दी करत आहेत. हा अटल सेतू जणू काय पिकनिक स्पॉट बनला आहे, असे दृष्ट पाहायला मिळत आहेत. दरम्यान, या गर्दीमुळे पुलावर कचरा आणि गुटखा खाऊन थुंकल्याचा प्रकारही समोर आळा आहे. सोशल मीडियावर व्हायरल होणार्‍या पोस्ट्समध्ये हा सर्व प्रकार कैद झाला आहे.

More visuals of Idiocracy & Madness at #MTHL...

Seems like the latest Picnic Spot....

Have a looked at the parked car & also the @MTPHereToHelp@Navimumpolice Police Van watching the Selfie takers & doing nothing.

Thanks @GadgetFreak4U for the video.. https://t.co/vvwMFo0u1Ypic.twitter.com/O4VlZ2xqRH

— मुंबई Matters™ (@mumbaimatterz) January 13, 2024

मुंबई मॅटर्स नावाच्या ट्विटर पेजने या पुलवारचे अनेक फोटो शेअर केले आहेत, ज्यात अटल सेतू पिकनिक स्पॉटसारखे दिसतोय. दुसऱ्या काही फोटोंमध्ये रस्त्यावर थुंकल्याचे डाग दिसत आहेत. अशा बेजबाबदार वर्तनामुळे नेटकरी या लोकांवर झोड उठवत आहेत. तसेच, नियमांचे उल्लंघन केल्याबद्दल मोठा दंड आकारण्याची विनंतीही करत आहेत. 

#BreakingNews

Spotted the First few Pan Gutkha Stains on #MTHL#AtalSetu#BoloZubanKesaripic.twitter.com/M0jdBKzUUa

— मुंबई Matters™ (@mumbaimatterz) January 13, 2024

एका यूजरने म्हटले की, सार्वजनिक पायाभूत सुविधांची देखभाल करणे, हे आपल्या सर्वांचे काम आहे. दुसर्‍याने म्हटले, सरकार फक्त पायाभूत सुविधा निर्माण करू शकते, त्याची निगा राखणे नागरिकांचे कर्तव्य आहे.तर, तिसऱ्याने म्हटले, समाज म्हणून आपण या सुविधांना पात्र नाही. एक समाज म्हणून लाज वाटते.