‘मावा’तर्फे लघुपटाचे आयोजन

मेन अगेन्स्ट व्हायलेन्स ॲण्ड अब्युस (मावा) या संस्थेचा २८ वा वर्धापन दिन व आंतरराष्ट्रीय महिला दिनाचे औचित्य साधून संस्थेने १० मार्च रोजी दुपारी ४ ते ६.१५ दरम्यान एका लघुपटाचे ऑनलाइन आयोजन केले आहे. समाजात दिसणारे विखारी पुरुषत्व व मर्दानगीला प्रश्न करून सशक्त मर्दानगीचा संदेश देणाऱ्या ‘नटखट’ या लघुपटाचे सादरीकरण या वेळी केले जाणार आहे. अभिनेत्री विद्या बालन यांची मुख्य भूमिका असलेला व सध्या अनेक आंतरराष्ट्रीय चित्रपट महोत्सवांत प्रदर्शित होत असलेला हा लघुपट, यंदा उत्कृष्ट लघुपटाच्या विभागात ऑस्करच्या शर्यतीत आहे. लघुपटाच्या सादरीकरणानंतर लघुपटाशी संबंधित विद्या बालन, अनुकंपा हर्ष, शान व्यास व सानया ईराणी यांच्याशी संवाद साधला जाणार आहे. यासाठी मावामुंबई@जीमेल.कॉम या ठिकाणी संपर्क साधण्याचे आवाहन करण्यात आले आहे.