मुंबई : क्रॉफर्ड मार्केटजवळ अनेक वाहनचालक सातत्याने सिंगल तोडत आहेत. अपघात होऊन एखाद्याचा जीव जाऊ शकतो. त्यामुळे या ठिकाणी वाहतूक पोलीस नेमून सिग्नल तोडणाऱ्यांना अद्दल घडावावी, अशी मागणी रहिवाशांनी केली आहे.
---
अनधिकृत वाहने हटवा
मुंबई : सांताक्रूझ पश्चिम येथे सूर्या नर्सिंग हॉस्पिटल लेनमध्ये सतत वाहने उभी केली जातात. त्यामुळे या भागात वाहनांच्या रांगा लागून वाहतूक कोंडी होते. अनधिकृत पार्किंग करणाऱ्या वाहनांवर कारवाई करावी, अशी मागणी रहिवासी करत आहेत.
--
सिग्नलमध्ये बिघाड
मुंबई : ताडदेव येथील एचपी पेट्रोलपंपाजवळ सिग्नल बंद पडला आहे. त्यामुळे या ठिकाणी वाहनांची गर्दी होत असून, वाहनचालकांची गैरसोय होत आहे. हा सिग्नल तत्काळ दुरुस्त करावा, अशी मागणी वाहनचालकांनी केली आहे.