Sonu Nigam Attacked: 'तो फक्त एक फॅन मोमेंट होता...' सोनू निगमवरील हल्ल्यानंतर स्वप्निलच्या बहिणीची माफी

Sonu Nigam Attacked: ठाकरे गटातील आमदार प्रकाश फातर्पेकर यांचा मुलगा स्वप्नीलने सोनू निगम आणि इतर दोघांसोबत धक्काबुक्की केली.

Sonu Nigam Attacked: काल रात्री बॉलीवूड इंडस्ट्रीतील प्रसिद्ध गायक सोनू निगम आणि त्याच्या टीमसोबत मारहाणीची घटना घडली. यादरम्यान सोनूचा गुरू गुलाम मुस्तफा खान यांचा मुलगा आणि सोनूचा जवळचा मित्र रब्बानी खान आणि त्याचा अंगरक्षकही जखमी झाला. या घटनेनंतर सोनू निगमने चेंबूर पोलीस ठाण्यात ठाकरे गटाचे आमदार प्रकाश फातर्पेकर यांचा मुलगा स्वप्नील फातर्पेकर याच्याविरुद्ध गुन्हा दाखल केला आहे. सोनू निगमसोबतच्या या घटनेवर आता स्वप्नीलची बहीण सुप्रदा फातर्पेकर हिचे वक्तव्य समोर आले आहे.

As organiser of the Chembur festival, I wish to shed light on some facts about the unfortunate incident that occurred at the end of Chembur Festival 2023.

While Shri Sonu Nigam was being hurriedly ushered off the stage after delivering his performance ( 1/3 )

— Suprada Phaterpekar (@suprada17) February 20, 2023

सुप्रदा फातर्पेकरने म्हटले की, 'चेंबूर फेस्टिव्हलची आयोजक या नात्याने मी चेंबूर फेस्टिव्हल 2023 च्या शेवटी घडलेल्या दुर्दैवी घटनेतील काही तथ्यांवर प्रकाश टाकू इच्छिते. परफॉर्मन्सनंतर सोनू निगमला घाईघाईने स्टेजवरून नेण्यात आले. माझा भाऊ त्याच्यासोबत सेल्फी घेण्याचा प्रयत्न करत होता. यावेळी गोंधळामुळे चेंगराचेंगरी झाली. पडलेल्या व्यक्तीला झेन रुग्णालयात नेण्यात आले आणि उपचारानंतर घरी सोडण्यात आले.'

My brother wanted to click a selfie with Sonu Nigam, & when he was doing so, there was a dispute b/w him & Sonu Nigam's bodyguard. It was just a fan moment gone wrong. We later apologized to Sonu Nigam as well: Suprada Phaterpekar, sister of Swapnil Phaterpekar https://t.co/aMmqHN83lKpic.twitter.com/7UccAo6VbO

— ANI (@ANI) February 21, 2023

'सोनू निगम निरोगी आहे. संस्थेच्या टीमच्या वतीने आम्ही या अप्रिय घटनेबद्दल सोनू सर आणि त्यांच्या टीमची अधिकृतपणे माफी मागितली आहे. कृपया कोणत्याही निराधार अफवांवर आणि घटनेचे राजकारण करण्याचा प्रयत्न करणाऱ्यांवर विश्वास ठेवू नका. माझ्या भावाला सोनू निगमसोबत सेल्फी काढायचा होता आणि तो असे करत असताना त्याच्या आणि सोनू निगमच्या अंगरक्षकांमध्ये वाद झाला. तो फक्त फॅन मोमेंट होता,' असे सुप्रदाने म्हटले. 

सोनू निगम घटनेवर काय म्हणाला

चेंबूर कॉन्सर्टच्या घटनेनंतर सोनू निगमने स्वतः संपूर्ण घटना कथन केली. सोनूने एएनआय या वृत्तसंस्थेशी बोलताना सांगितले की, 'मी कॉन्सर्ट संपल्यानंतर स्टेजवरून खाली येत होतो. त्याचवेळी स्वप्नील प्रकाश फातर्पेकर नावाच्या व्यक्तीने मला पकडले. त्यानंतर त्याने मला वाचवण्यासाठी आलेल्या हरी आणि रब्बानी यांना धक्काबुक्की केली. मग मी पायऱ्यांवर पडलो. मी तक्रार दाखल केली आहे'.