SurJyotsna Awards 2021: फडणवीस म्हणाले, ‘दोस्त दोस्त ना रहा..!’, ‘लोकमत’च्या सूर ज्योत्स्ना संगीत पुरस्कार सोहळ्यात उद्धव ठाकरेंसाठी केलं गाणं समर्पित

SurJyotsna Awards 2021: Opposition leader Devendra Fadnavis has dedicated the song "Dost Dost Na Raha" to CM Uddhav Thackeray : उद्धव ठाकरे आणि देवेंद्र फडणवीस यांची मैत्री किती घट्ट होती, हे वेगळं सांगायची गरज नाही. पण...

मुंबई : विरोधी पक्षनेते देवेंद्र फडणवीस यांनी आपल्या जुन्या मित्रासाठी, अर्थातच मुख्यमंत्री उद्धव ठाकरे यांच्यासाठी ‘संगम’ चित्रपटातील ‘दोस्त दोस्त ना रहा...!’ हे गाणं समर्पित करून भाजप-शिवसेना युतीच्या तुटीबद्दल एकप्रकारे खंत व्यक्त केली.
षण्मुखानंद हॉलमध्ये रंगलेल्या लोकमत आयोजित सूर ज्योत्स्ना राष्ट्रीय संगीत पुरस्कार सोहळ्यातील हा प्रसंग. उद्धव ठाकरे आणि देवेंद्र फडणवीस यांची मैत्री किती घट्ट होती, हे वेगळं सांगायची गरज नाही. पण, मुख्यमंत्रिपदाच्या मुद्द्यावरून भाजप-शिवसेनेची युती तुटली आणि या दोन नेत्यांची मैत्रीही. अर्थात, एकमेकांच्या विरोधात फार काही बोलणं हे दोनही नेते टाळतात. मात्र, आज लोकमतच्या सूर ज्योत्स्ना राष्ट्रीय पुरस्कार सोहळ्यात फडणवीसांना या ‘जुन्या दोस्ता’साठी अर्थात उद्धव ठाकरे यांच्यासाठी कोणतं गाणं समर्पित कराल, असं विचारलं असता त्यांनी क्षणाचाही विलंब न लावता ‘दोस्त दोस्त ना रहा...’ हे गाणं त्यांनी डेडिकेट केलं. सोबत अमृता फडणवीसही होत्या. त्यांना हाच प्रश्न विचारला असता, ‘अजिब दास्तां है ये, कहां शुरू कहा खतम...’ या ओळी त्यांनी गुणगुणल्या! राज्य सरकार पूजा चव्हाण प्रकरण दाबत आहे, अशी टीकाही फडणवीसांनी या वेळी केली.