ISIS च्या संशयितांना अटक, महाराष्ट्रासह पाच राज्यांमध्ये कारवाई
By admin | Published: April 20, 2017 11:22 AM2017-04-20T11:22:06+5:302017-04-20T11:37:23+5:30
दहशतवादी कट रचण्याच्या आरोपाखाली इसिसच्या तीन संशयितांना अटक करण्यात आली आहे
ISIS च्या संशयितांना अटक, महाराष्ट्रासह पाच राज्यांमध्ये कारवाई
Next
ऑनलाइन लोकमत
नवी दिल्ली, दि. 20 - दहशतवादी कट रचण्याच्या आरोपाखाली इसिसच्या तीन संशयितांना अटक करण्यात आली आहे. उत्तर प्रदेश दहशतवाद विरोधी पथक आणि दिल्ली पोलिसांनी संयुक्त कारवाई करत या संशयितांना अटक केली. मुंबई, लुधियाना आणि बिजनोर येथून इसिसच्या तीन संशयितांना अटक करण्यात आली.
मुंबईसह लुधियाना (पंजाब), नरकाटियागंज (बिहार), बिजनोर (उत्तर प्रदेश) आणि मुझफ्फरनगर (उत्तर प्रदेश) या ठिकाणी सर्च ऑपरेशन करण्यात आलं. या कारवाईत उत्तर प्रदेश एटीस आणि दिल्ली पोलिसांसोबत आंध्रप्रदेश, बिहार, पंजाब आणि महाराष्ट्र पोलिसांचाही समावेश होता. सर्व राज्यांनी संयुक्तरित्या ही कारवाई केली आहे.
पोलीस पुढील तपास करत आहेत. दरम्यान सहा जणांची पोलिसांकडून चौकशीदेखील केला जात आहे. मिळालेल्या माहितीनुसार अटक करण्यात आलेले संशयित दहशतवादी इसिसचा भाग होते, आणि देशभरात दहशतवादी कारवाया करण्याचा कट आखत होते. यामधील काही संशयित इसिसमध्ये भर्ती करण्यासाठी तरुणांचा शोध घेत होते.
