पकडायला आलेल्या दोघांना चोराने चाकू मारून केले जखमी

काशीमीरा पोलिसांनी गुन्हा दाखल केला आहे . 

मीरारोड - घोडबंदर मार्गावरील काजूपाडा एका घरात चोरी करण्यास शिरलेल्या चोरास पकडण्याचा प्रयत्न केला असता चोराने चाकूने वर करून दोघांना जखमी केल्या प्रकरणी काशीमीरा पोलिसांनी गुन्हा दाखल केला आहे . 

काजुपाडा मराठी शाळेजवळ राहणारे अरुण वीर यांच्या घरातील स्वयंपाक घरास लावलेले टाळे दोघे चोर सोमवारी पहाटे तोडत होते . सीसीटीव्ही मध्ये ते दिसून आले मात्र चोरांनी अरुण झोपलेल्या खोलीस बाहेरून काडी लावली होती . 

त्यांनी शेजारी राहणारे सासरे यांना कॉल करून मदतीसाठी येणास सांगितले. सासरे बाहेर आले असता चोर पळून जाऊ लागले . त्यांनी दाराची कडी काढल्यावर बाहेर आलेल्या अरुण यांनी एकास पाठलाग करून पकडले . मात्र चोराने चाकूने अरुण यांच्या डोके व खांद्यावर वार केल्याने ते खाली पडले  त्यांचे एक नातलग आले असता त्यांच्या हातावर देखील चाकू मारला . पोलीस दोन्ही चोरांचा शोध घेत असून जखमी अरुण व नातलगावर उपचार करण्यात आले .