मुंबई : कस्टम क्लिअरन्सचा व्यवसास करणाऱ्या ५६ वर्षीय तक्रारदार यांच्या घरातून ९० हजार किमतीचा सोन्याचा कडा चाेरीला गेल्याचा प्रकार समोर आला आहे. ते माहीम परिसरात राहण्यास आहेत. मोलकरणीने तो चोरल्याचा संशय त्यांनी वर्तवला असून, याप्रकरणी माहीम पोलीस अधिक तपास करत आहेत.
.....
गुगलवरील ठगांकडून २० हजारांची फसवणूक
मुंबई : मालक भंगारमध्ये काढत असलेले फर्नीचर घेऊन जाण्यासाठी गुगलवरून टेम्पो चालाकाचा शोध घेणे नोकराला महागात पडले. यात, दिनेश कुमार गौतम यांची २० हजार रुपयांना फसवणूक झाली. गुगलवरून सर्च केलेले संकेतस्थळ बनावट निघाले. गौतम यांनी मलबार हील पोलीस ठाण्यात तक्रार दिली असून, पोलीस तपास करत आहेत.
.........................................
वृद्धेच्या घरातून दागिन्यांची चोरी
मुंबई : माहीम परिसरातील ६१ वर्षीय वृद्ध महिला मुलाकडे राहण्यास गेली असताना, त्यांच्या बंद घराचे कुलूप तोडून चाेरांनी ७९ हजारांचे दागिने पळवले. सोमवारी त्या घरी परतल्या तेव्हा कुलूप तुटलेले दिसून आले. घरात तपासणी करताच दागिने चोरी झाल्याचे समोर आले. त्यांनी याबाबत माहीम पोलीस ठाण्यात तक्रार दिली.
......................