कुर्ल्यातील महिलेसह तीन ड्रग्ज तस्करांना अटक

दोन कोटींचे चरस जप्त

लोकमत न्यूज नेटवर्क

मुंबई : अमली पदार्थ नियंत्रण कक्षाची (एनसीबी) बॉलीवूडबरोबरच महानगरातील ड्रग्जविरोधातील कारवाई सुरूच आहे. याअंतर्गत कुर्ल्यातील एलटीटी येथे रविवारी रात्री एका महिलेसह तीन तस्करांना पथकाने छापा मारून अटक केली. त्यांच्याकडून ६ किलो ६२८ ग्रॅम चरस जप्त केला. मादक पदार्थांच्या बाजारात त्याची किंमत अंदाजे २ कोटी रुपये असल्याचे सांगण्यात आले.

आफताब शेख, साबिर सय्यद व शमीम कुरेशी अशी त्यांची नावे आहेत. तिघेही कुर्ला पूर्व परिसरात राहतात. त्यांच्याकडे मोठ्या प्रमाणात अमली पदार्थ असल्याची माहिती एनसीबीच्या पथकाला मिळाली. त्यानुसार रविवारी रात्री पथकाने छापा मारून ही कारवाई केली. तिघांच्या घराच्या झडतीत बंदी असलेले काश्मिरी चरस जप्त करण्यात आले.

........................