मुंबई : श्रावण सरींची अधूनमधून बरसात होत असून, शुक्रवारी मुंबईत ९.६ मिलीमीटर एवढ्या पावसाची नोंद झाली असून, येत्या २४ तासात मुंबई शहर आणि उपनगरात हलक्या ते मध्यम स्वरूपाचा पाऊस पडेल, असा अंदाज हवामान खात्याने वर्तविला आहे.
------------
मदतकार्य रवाना
मुंबई : मुंबई शहर आणि उपनगरात दोन ठिकाणी बांधकामाचा भाग कोसळला. एका ठिकाणी शॉर्टसर्किटची घटना घडली, तर तीन ठिकाणी झाडे कोसळल्याच्या घटना घडल्या. यात जीवित अथवा वित्तहानी झाली नसून, संबंधित ठिकाणी मदतकार्य रवाना करण्यात आले, अशी माहिती मुंबई महापालिकेच्या आपत्कालीन विभागाकडून देण्यात आली.
------------
धारावीत एका रुग्णाची नोंद
मुंबई : शुक्रवारी धारावीत एका कोरोना रुग्णाची नोंद झाली आहे. तर दादर येथे सात आणि माहीम येथे पाच कोरोना रुग्णांची नोंद झाली आहे. एकूण दिवसभरात येथे १३ कोरोना रुग्णांची नोंद झाली आहे.
------------