मुंबई : माझगाव परिसरातून इम्रान इकबाल शेख उर्फ सोहेल (२२) या तरुणाकडून २ लाख ७६ हजार रुपयांचा एमडी जप्त करण्यात आला. रविवारी रात्री उशिरा भायखळा पोलिसांनी ही कारवाई केली. सोहेल हा माझगावचा रहिवासी असून, त्याच्याविरुद्ध ५ हून अधिक गुन्हे नोंद झाले आहेत.
...............................
पोलीस निरीक्षकाची सशस्त्र दलात बदली
मुंबई : गुन्हे शाखेतील पोलीस निरीक्षक सुनील माने यांची सशस्त्र पोलीस दलात बदली करण्यात आली आहे. यापूर्वी गुन्हे शाखेच्या ६५ अधिकाऱ्यांची तडकाफडकी बदली करण्यात आली आहे. त्यानंतर आता गुन्हे शाखतील पाेलीस निरीक्षकांची सशस्त्र पाेलीस दलात बदली करण्यात आली.
...........................
मंदिराचा सुरक्षारक्षकच निघाला चोर
मुंबई : मंदिरातील चांदीचे मुकुट व रोख रक्कम असा एकूण ४ लाखांचा ऐवज चोरुन पसार झालेल्या आरोपीला दहीसर पोलिसांनी अवघ्या ७ तासांत बेड्या ठोकल्या. अटक आराेपीकडून चाेरीला गेलेला संपूर्ण ऐवज जप्त करण्यात आला आहे. शनिवारी ही कारवाई करण्यात आली. मंदिरातील सुरक्षारक्षकाने अन्य साथीदारांच्या मदतीने ही चोरी केल्याचे तपासाअंती समाेर आले.
......................