कारच्या धडकेत दुचाकीस्वाराचा अपघात

मुंबई : भरधाव कारच्या धडकेत दुचाकीस्वार इमान खान (३२) यांचा अपघात झाल्याची घटना रविवारी चुनाभट्टी परिसरात घडली आहे. या प्रकरणी देवांश मुरारका (२०) याला अटक करण्यात आली आहे.

.................................

चिमुकलीच्या अपहरणाचा प्रयत्न

मुंबई : गोवंडी परिसरात राहणाऱ्या ३८ वर्षीय महिलेच्या ३ वर्षीय मुलीच्या अपहरणाचा प्रयत्न केल्याची घटना रविवारी समोर आली आहे. या प्रकरणी महिलेच्या तक्रारीवरून गोवंडी पोलिसांनी शौकतअली खान (३५) याला अटक केली आहे. या प्रकरणी गोवंडी पोलीस अधिक तपास करत आहेत.

....

ट्रॉम्बे परिसरात पोलिसाला मारहाण

मुंबई : पंतनगर पोलीस वसाहतीत राहणारे रमेश निकम (५१) हे ट्रॉम्बे परिसरात कर्तव्य बजावत असताना, आरोपी शोएब बादशहा (२४) याने निकम यांना लाथ मारून खाली पाडले. यात ते जखमी झाले आहेत. या प्रकरणी निकम यांच्या तक्रारीवरून बादशहाविरुद्ध सरकारी कामात अडथळा, मारहाण केल्याप्रकरणी गुन्हा नोंद करण्यात आला आहे. गेल्या आठवड्यात ही घटना घडली आहे.

...........................

मानखुर्दमध्ये पार्क केलेल्या रिक्षाची चाेरी

मुंबई : मानखुर्द परिसरात पार्क केलेली रिक्षा चोरी रविवारी झाल्याप्रकरणी विजयकुमार भागवत (४९) यांच्या तक्रारीवरून गुन्हा नोंद करण्यात आला आहे. या प्रकरणी मानखुर्द पोलीस अधिक तपास करत आहे. परिसरातील सीसीटीव्हीच्या मदतीने आरोपीचा पोलीस शोध घेत आहे.

....

अल्पवयीन मुलीचे अपहरण

मुंबई : शिवाजीनगर परिसरात १६ वर्षीय मुलीचे अपहरण झाल्याप्रकरणी शिवाजीनगर पोलिसांनी अनोळखी व्यक्तीविरुद्ध रविवारी गुन्हा नोंद केला आहे. या प्रकरणी अधिक तपास सुरू आहे.

............................