Video: 'नवभारताची संकल्पना आणखी विस्तारणारा अर्थसंकल्प'

आजच्या अर्थसंकल्पात मूलभूत रचनात्मक प्रश्नांचा विचार करतानाच त्यातून पुढच्या पाच वर्षात देशाची अर्थव्यवस्था मजबूत करण्यासाठीचा दृढनिश्चय प्रतिबिंबित झाला आहे

मुंबई - यंदाचा केंद्रीय अर्थसंकल्प हा प्रधानमंत्री नरेंद्र मोदी यांनी मांडलेल्या नवभारताची संकल्पना अधोरेखित करण्यासोबतच ती आणखी विस्तारणारा आहे. देशाची अर्थव्यवस्था वर्ष 2025 पर्यंत पाच ट्रिलियन डॉलर करण्याचा संकल्प साध्य करण्यासाठी आवश्यक असणारा रोडमॅप या अर्थसंकल्पातून सादर झाला अशा शब्दात केंद्रीय अर्थसंकल्पाचं कौतुक मुख्यमंत्री देवेंद्र फडणवीस यांनी केलं आहे. 

अर्थसंकल्पावर प्रतिक्रिया देताना मुख्यमंत्री देवेंद्र फडणवीस म्हणाले की, आजच्या अर्थसंकल्पात मूलभूत रचनात्मक प्रश्नांचा विचार करतानाच त्यातून पुढच्या पाच वर्षात देशाची अर्थव्यवस्था मजबूत करण्यासाठीचा दृढनिश्चय प्रतिबिंबित झाला आहे. पायाभूत क्षेत्रात 100 लाख कोटी गुंतवणूक करण्याचा निर्णय क्रांतिकारी आहे. नवभारताची उभारणी करणाऱ्या या महत्त्वाकांक्षी निर्णयासोबतच या अर्थसंकल्पात विशेषत: गाव, गरीब आणि शेतकऱ्यांच्या प्रगतीकडे विशेष लक्ष दिले गेले आहे.

PAN Aadhar interchangeability & 2% tax on cash withdrawals of more than ₹ 1 crore is a great step towards less cash transaction. #BudgetforNewIndia

— Devendra Fadnavis (@Dev_Fadnavis) July 5, 2019

 

पुढील दोन ते अडीच वर्षात ग्रामीण भागात 2 कोटी घरे बांधण्यात येणार आहेत. त्याचप्रमाणे सव्वा लाख किलोमीटरचे ग्रामीण रस्ते, बचतगटांसाठी योजना, शेतकऱ्यांचे उत्पन्न दुप्पट करण्यासाठी तयार करण्यात आलेल्या योजनांसाठीही मोठ्या प्रमाणात तरतूद करण्यात आली आहे. त्यातून ग्रामविकासाचे स्वप्न साकार होणार आहे. तसेच मत्स्यसंपदा योजना, लघु उद्योग यासाठी देण्यात आलेल्या सवलतींमुळे उद्योग विकासाला फायदा होणार आहे.

2 crore houses,1.25 lakh km rural road,Bharat Mala phase 2,PM Matsya sampada yojna,power & LPG for all, focus on water, labour laws to codes, rural incubators, national transport card, social security exchange, are some Big Bang announcements taking country towards growth path!

— Devendra Fadnavis (@Dev_Fadnavis) July 5, 2019

या अर्थसंकल्पाच्या माध्यमातून तरुणांचा देश असलेल्या भारतातील युवा पिढीसाठी रोजगाराच्या संधी निर्माण करण्याबरोबरच गुणवत्तापूर्ण शिक्षणाची दालने उघडण्यात येणार आहेत. जगातील उत्तम शैक्षणिक संस्थांमध्ये भारतातील संस्थांचा समावेश करण्यासाठी उच्च व तंत्रशिक्षणामधील गुंतवणूक तिप्पट करतानाच लर्न इन इंडिया कार्यक्रमाच्या माध्यमातून भारत हे जगाचे लर्निंग सेंटर बनावे यासाठी प्रशंसनीय प्रयत्न होणार आहेत, असेही मुख्यमंत्र्यांनी म्हटले आहे.  

Banking reforms continue !
₹ 4 lakh crore NPAs realised and with new provisions to help NBFCs, more liquidity will be available for businesses. #BudgetForNewIndia

— Devendra Fadnavis (@Dev_Fadnavis) July 5, 2019

मागच्या सरकारच्या कारकिर्दीत पंतप्रधानांनी सुरू केलेल्या सुधारणा देखील या अर्थसंकल्पाच्या माध्यमातून पुढे सुरू ठेवण्यात आल्या आहेत. बँकांचा सुमारे चार लाख कोटी रुपयांचा एनपीए वसूल करण्यात यश आले आहे. बँकांना जास्तीत जास्त लिक्विडिटी मिळावी, गैर बँकिंग वित्तीय कंपन्यांबाबतचा (NBFC) पेच सोडविण्यासोबतच रिॲल्टी क्षेत्रासह इतर क्षेत्रांना वित्तीय चालना मिळावी यासाठी करण्यात आलेले प्रयत्न महत्त्वाचे असल्याचं मुख्यमंत्र्यांनी नमूद केलं. 

नवभारत का पथदर्शी बजट... !
हमारे प्रधानमंत्री श्री नरेंद्र मोदी जी तथा वित्तमंत्री निर्मला सीतारामन जी का बहुत बहुत आभार!https://t.co/5FC4NwJfXs#BudgetForNewIndia@narendramodi@nsitharamanpic.twitter.com/inOHoEpbTL

— Devendra Fadnavis (@Dev_Fadnavis) July 5, 2019