मुंबई विद्यापीठाचे शनिवारी फक्त ११ निकाल जाहीर

आॅगस्ट महिन्यातले पाच दिवस उलटले तरी मुंबई विद्यापीठाचे तब्बल २१२ निकाल जाहीर झालेले नाहीत. तर, दुसरीकडे विद्यापीठासमोर अजूनही २ लाख ३२ हजार ३१२ उत्तरपत्रिका

मुंबई : आॅगस्ट महिन्यातले पाच दिवस उलटले तरी मुंबई विद्यापीठाचे तब्बल २१२ निकाल जाहीर झालेले नाहीत. तर, दुसरीकडे विद्यापीठासमोर अजूनही २ लाख ३२ हजार ३१२ उत्तरपत्रिका तपासणीचे आव्हान आहे. मुंबई विद्यापीठाची दुसरी डेडलाइन चुकली त्या दिवशी म्हणजे शनिवारी सायंकाळी ७ वाजेपर्यंत विद्यापीठाने फक्त ११ निकाल जाहीर केल्याची माहिती विद्यापीठाकडून जाहीर करण्यात आली.
शनिवारी १ हजार २८७ प्राध्यापकांनी उत्तरपत्रिकांची तपासणी केली. शनिवारी सायंकाळी ७ वाजेपर्यंत १३ हजार २०३ उत्तरपत्रिकांचे मूल्यांकन पूर्ण करण्यात आले, तर १० हजार ४४२ उत्तरपत्रिकांचे मॉडरेशन पूर्ण झाले आहे. मॉडरेशनसाठी विद्यापीठाकडे ६ लाख ८३ हजार ९९८ उत्तरपत्रिका आतापर्यंत आल्या आहेत. त्यापैकी ७९ हजार ८४५ उत्तरपत्रिकांचे मॉडरेशन करणे शिल्लक आहे.