मध्य रेल्वेची मेगा ब्लॉकमध्ये विविध देखभाल दुरुस्तीची कामे

मुंबई : मध्य रेल्वेने रविवारी मुख्य मार्गावरील माटुंगा-मुलुंड अप व डाउन जलद मार्गावर आणि कुर्ला-वाशी अप व डा६उन हार्बर मार्गावर मेगाब्लॉक घेतला. या दरम्यान अनेक देखभाल दुरुस्ती कामे करण्यात आली आहे. रेल्वेने मेगाब्लॉकच्या काळात ४५ मीटर रूळ बदलणे, पॅकिंग व पॉइंट्सची फिटिंग, एसईजे स्लीपर्सची बदलणे, ड्युओमॅटिक मशीनद्वारे २.२ किमी टॅपिंगचे काम तसेच वेल्डिंगचे काम, बॉक्सिंग आणि ४५० मीटर गिट्टीचे कामही हाती घेण्यात आले. ३०० मीटर सेंटर ड्रेन साफ ​​करण्याचे कामही करण्यात आले तसेच २.१५ कि.मी. ओएचईची वार्षिक ओव्हरहॉलिंग, संपर्क तारांचे स्ट्रेससह १.५३ किमी ओएचईची तपासणी, १०० मीटर कॉन्टॅक्ट वायर्स, ४ फ्लॅश इन्सुलेटर आणि ३८ ड्रॉपर बदलण्यात आले. याशिवाय इतर अनेक देखभाल आणि दुरुस्तीची कामे करण्यात आली.