जलद बुद्धिबळ स्पर्धेत वेदांतची बाजी

क�

��रीडा....किंवा हॅलो
............................
जलद बुद्धिबळ स्पर्धेत वेदांतची बाजी
मुलींमध्ये तेकुरकर विजयी


मुंबई: दादरमध्ये पार पडलेल्या स्वातंत्र्यवीर सावरकर चषक जलद बिुद्धबळ स्पर्धेत ८ वर्षांखालील गटात मुलांमध्ये वेदांत वेखंडे तर मुलींमध्ये आद्य तेकुरकर यांनी बाजी मारली. वेदांतच्या आक्रमक खेळाचे उपस्थितांनी कौतुक केले. स्पर्धेतील विजयी खेळाडूंना रोख रकमेसह आकर्षक चषक देऊन गौरविण्यात आले.
मुंबई शहर जिल्हा बुद्धिबळ संघटनेच्या मान्यतेने साखळी पद्धतीने ही स्पर्धा खेळवण्यात आली. ८ वर्षांखालील गटात गौरांग बागवेने दमदार कामगिरी करत द्वितीय स्थान पटकावले. पार्थ मोघेला तिसर्‍या स्थानावर समाधान मानावे लागले. १२ वर्षांखालील मुलांमध्ये जीत शाहने आणि मुलींमध्ये आदिश्री कृष्णनने विजय मिळवला. तर १६ वर्षांखालील स्पर्धेत मुकेश राघव व मुलींमध्ये युती पटेल यांनी स्पर्धेतील चषकावर नाव कोरले.
स्वातंत्र्यवीर सावरकर यांच्या ५० व्या आत्मार्पण स्मृती वर्षानिमित्त स्वातंत्र्यवीर सावरकर राष्ट्रीय स्मारकाने स्वातंत्र्यवीर सावरकर चषक जलद बुद्धिबळचे आयोजन केले होते. या स्पर्धेत मुंबईसह ठाणे, रायगड येथील खेळाडूंनी सहभाग घेतला होता. (क्रीडा प्रतिनिधी)
........................