मुंबई : शुक्रवारी सकाळी साडेदहा वाजण्याच्या सुमारास पश्चिम रेल्वे मार्गावरील वाहतूक पुन्हा एकदा विस्कळीत झाली. तत्पूर्वी गुरुवारी सायंकाळी कांदिवली-मालाड येथील सिग्नलमध्ये झालेल्या बिघाडामुळे परेची सेवा विस्कळीत झाली होती. नेमके त्याच ठिकाणी शुक्रवारी पुन्हा लोकल गोंधळ निर्माण झाल्याचे चित्र होते. साधारणत: अर्धा तास लोकल सेवा विस्कळीत झाल्याने प्रवाशांना नाहक त्रास झाला. महत्त्वाचे म्हणजे पश्चिम रेल्वे प्रशासनाकडून मात्र यावर शुक्रवारी कोणताच बिघाड झाल्याचे स्पष्टीकरण देण्यात आले आहे. (प्रतिनिधी)
पश्चिम रेल्वे पुन्हा विस्कळीत
By admin | Published: May 14, 2016 2:33 AM