मुंबई : पश्चिम रेल्वे मार्गावरून एप्रिल २०१९ ते जानेवारी २०२० या दहा महिन्यांत २३ लाख ४५ हजार विनातिकीट प्रवास केला. त्यांच्याकडून पश्चिम रेल्वे प्रशासनाने ११३ कोटींची दंड वसुली केली आहे.
२ हजार ४०३ गर्दुल्ले आणि ५ हजार २७८ अनधिकृत फेरीवाल्यांना रेल्वे परिसराच्या बाहेर काढण्यात आले. यासह त्यांच्याकडून दंड वसुली केली. ज्यांनी दंड भरला नाही, अशा १ हजार २५५ जणांना कैद करण्यात आले. पश्चिम रेल्वेचे मुख्य जनसंपर्क अधिकारी रवींद्र भाकर यांनी सांगितले की, एप्रिल २०१९ ते जानेवारी २०२० या काळात पश्चिम रेल्वेच्या वाणिज्य विभागाने दलालांच्या विरोधात २ हजार ३९३ कारवाया केल्या. यामध्ये २ हजार १३९ व्यक्तींना ताब्यात घेऊन दंड वसूल करण्यात आला आहे.