दादर रेल्वे स्थानकावर प्रसूती झालेली ‘ती’ महिला पळाली

दादर रेल्वे स्थानकातील प्लॅटफॉर्मवर सोमवारी अचानक एक महिला प्रसूत झाली. गीता दीपक वागारे (२१) असे या महिलेचे नाव असून तिला सायन रुग्णालयात दाखल करण्यात आले होते.

मुंबई : दादर रेल्वे स्थानकातील प्लॅटफॉर्मवर सोमवारी अचानक एक महिला प्रसूत झाली. गीता दीपक वागारे (२१) असे या महिलेचे नाव असून तिला सायन रुग्णालयात दाखल करण्यात आले होते. मात्र गीता तिच्या नवऱ्यासह व बाळासह रुग्णालय प्रशासनाला काहीही न कळवता निघून गेल्याचा प्रकार घडला आहे.
गीता तिच्या नवºयासह पुण्याला निघाली होती. दोघे नवरा-बायको ट्रेनची वाट पाहत थांबलेले असताना अचानक गीताला प्रसूती वेदना सुरू झाल्या. त्यामुळे दादर रेल्वे स्थानकातील प्लॅटफॉर्मवरच गीताची प्रसूती करावी लागली. प्रसूतीनंतर आई आणि बाळाला पुढील उपचारासाठी रात्री २ च्या सुमारास सायन रुग्णालयात दाखल करण्यात आले होते. मात्र रुग्णालयाला कोणतीही माहिती न देता आणि सुरक्षा असतानाही ते निघून गेले. रुग्णालय प्रशासन या प्रकरणी चौकशी करीत आहे.