महिलांनी आपल्या घरातील पुरुषांना वीज बिल भरण्यासाठी सांगावे; वीज चोरी करण्यापासून दूर ठेवावे

मुंबई : महिलांनी आपल्या घरातील पुरुषांना वीज बिल भरण्यास सांगावे; तसेच वीज चोरी करण्यापासून दूर ठेवावे, असा संदेश भांडुप परिमंडलचे मुख्य अभियंता सुरेश गणेशकर यांनी दिला. शिवाय सर्व महिलांना वीज बिल भरून महावितरणला सहकार्य करण्याची विनंती केली. ‘माझे वीज बिल, माझी जबाबदारी’ हा मंत्र त्यांनी महिलांना दिला. जागतिक महिला दिनानिमित्त महावितरणच्या भांडुप परिमंडलात आयोजित कार्यक्रमात ते बोलत होते.

महा कृषी ऊर्जा अभियानाबाबत महिलांना माहिती देण्यात आली. उपस्थित असलेल्या महिला सरपंचांना तसेच ग्राहकांना याबाबत आपल्या आजूबाजूच्या लोकांशी चर्चा करा, त्याचे फायदे सांगा, असे आवाहन करण्यात आले. या वेळी महिलांना ‘कृषी धोरण २०२०’बाबत माहिती देण्यात आली. कृषी ऊर्जा अभियाना अंतर्गत थकबाकी भरणाऱ्या महिला ग्राहक मुमताज सय्यद, रत्नप्रभा काफरे, सुनंदा मोरे, स्नेहल जाधव, वर्षा कुंभार यांचा सत्कार करण्यात आला.