टँकरच्या धडकेत तरुणाचा मृत्यू

मुंबई : वडाळा येथील रहिवासी असलेला हबीब शेख (१९) हा मित्र पीयूष सूर्यवंशीसोबत दुचाकीने शिवडी येथून चेंबूरच्या दिशेने जात असताना टँकरच्या धडकेत दुचाकीचा अपघात झाला. यात सूर्यवंशी हा गंभीर जखमी झाला असून, रुग्णालयात दाखल करण्यापूर्वी त्याला मृत घोषित करण्यात आले. बुधवारी दुपारच्या सुमारास ही घटना घडली. या प्रकरणी पोलिसांनी चालकाविरुद्ध गुन्हा नोंद करीत त्याला अटक केली आहे.

....

डोंगरीत किरकोळ वादातून हल्ला

मुंबई : डोंगरी परिसरात राहणारे समीर सुरती (१८) यांचा भाऊ हमाम यांच्यावर किरकोळ वादातून हल्ला चढविण्यात आल्याची घटना बुधवारी घडली. या प्रकरणी फैज मुन्शी, शमीम मुन्शी, शकील मुन्शी यांच्या विरोधात मारहाण केल्याप्रकरणी गुन्हा नोंद करण्यात आला आहे.

....

दुचाकीच्या धकडेत मृत्यू

मुंबई : जे. जे. मार्ग पोलिसांच्या हद्दीत भरधाव दुचाकीच्या धडकेत अहमद अली मोहम्मद हुसैन (४६) यांचा मृत्यू झाला आहे. बुधवारी हा अपघात घडला. या प्रकरणी जे. जे. मार्ग पोलिसांनी गुन्हा नोंद करीत अधिक तपास सुरू केला आहे.

.....