बारावीपर्यंतच्या ऑनलाइन शिक्षणासाठी यूट्यूबचा आधार; जिओ टीव्हीवरही तिसरी ते बारावीसाठी १२ वाहिन्या सुरू

जिओ टीव्हीवरही राज्य सरकारच्या शालेय शिक्षण विभागाने इयत्ता तिसरी ते बारावीसाठी एकूण १२ वाहिन्या सुरू केल्या आहेत.

मुंबई : बालवाडी ते बारावीपर्यंतच्या आॅनलाइन शिक्षणाचे वेळापत्रक जाहीर केल्यानंतर राज्याच्या शिक्षण विभागाने अभ्यासक्रम शिकविण्यासाठी यूट्यूबचा आधार घेतला आहे. मराठी आणि ऊर्दू माध्यमाच्या पहिली ते दहावीच्या विद्यार्थ्यांसाठी राज्य शैक्षणिक व संशोधन प्रशिक्षण परिषदेने (एसीसीईआरटी) ४ यूट्यूब वाहिन्या सुरू केल्या आहेत. जिओ टीव्हीवरही राज्य सरकारच्या शालेय शिक्षण विभागाने इयत्ता तिसरी ते बारावीसाठी एकूण १२ वाहिन्या सुरू केल्या आहेत.