नायलाॅन मांजाची साथ, करील अनेकांचा घात ()

नागपूर : ‘पतंगासाेबत घेऊ नका नायलाॅन मांजाची साथ, नाहीतर होईल अनेक जीवांचा घात’, असे आवाहन करीत वीर बजरंगी सेवा संस्था व बजरंग स्पाेर्ट्स अकॅडमीतर्फे गांधी चाैक, जुनी शुक्रवारी परिसरात जनजागृती रॅली काढली.

नितीन शिंगले व श्रीकांत आगलावे यांच्या नेतृत्वात हा उपक्रम घेण्यात आला. गेल्या ५ वर्षांपासून ताे चालविला जात आहे. या जीवघेण्या मांजामुळे गळे चिरून अनेकांचे प्राण जात आहेत. शेकडाे निष्पाप मुक्या पक्ष्यांचेही जीव जात आहेत. त्यामुळे या घातक मांजाची साथ साेडा, असे आवाहन करण्यात आले. जुनी शुक्रवारी परिसरात माेठ्या प्रमाणात माजांची विक्री हाेत असल्याने या परिसरात विक्रेता व मांजा खरेदी करणाऱ्या पतंगबाजांना साधे मांजे खरेदी करण्याचे आवाहन करण्यात आले. तत्पूर्वी, गांधी चाैकात नारे निदर्शने करून नायलाॅन मांजाचा विराेध करण्यात आला. यावेळी भाजपचे दक्षिण नागपूरचे महामंत्री रितेश पांडे, अमर धर्माळे, अमन गुप्ता, सुरेंद्र येनसकर, दिनेश जैस, सचिन कावळे, राहुल आकरे आदींचा सहभाग हाेता.