काेळसा वाहतुकीचे वाहन पकडले

लाेकमत न्यूज नेटवर्क

कामठी : पाेलिसांनी कामठी शहरातील बसस्थानक परिसरात केलेल्या कारवाईमध्ये काेळशाची चाेरटी वाहतूक करणारे छाेटे मालवाहू वाहन पकडले. यात वाहनचालकास अटक करण्यात आली असून, त्याच्याकडून एकूण एक लाख पाच हजार रुपये किमतीचा मुद्देमाल जप्त केला. ही कारवाई शनिवारी (दि. ६) सायंकाळी ६ वाजताच्या सुमारास करण्यात आली.

सोनू ऊर्फ अंकित महेंद्र मराठे (२६, रा. धरमनगर, दुर्गादेवी मंदिराजवळ, कन्हान ता. पारशिवनी) असे अटक करण्यात आलेल्या आराेपी वाहनचालकाचे नाव आहे. कामठी (जुनी) पाेेलिसांचे पथक गस्तीवर असताना त्यांना कन्हानहून नागपूरच्या दिशेने काेळशाची वाहतूक केली जात असल्याची माहिती मिळाली हाेती. त्यामुळे पाेलिसांनी शहरातील बसस्थानक परिसरात वाहनांची तपासणी करायला सुरुवात केली. यात पाेलिसांनी संशय आल्याने कन्हानहून नागपूरच्या दिशेने जात असलेले एमएच-३१/एएच-१३४४ क्रमांकाचे छाेटे मालवाहू वाहन थांबवून झडती घेतली.

त्या वाहनात काेळसा असल्याचे आढळून येताच कागदपत्रांची तपासणी केली. त्यात वाहनातील काेळसा हा चाेरीचा असल्याचे तसेच त्या काेळशाच्या वाहतुकीचे चालकाकडे कागदपत्र नसल्याचे स्पष्ट हाेताच पाेलिसांनी त्याला अटक केली आणि त्याच्याकडून वाहन व काेळसा ताब्यात घेतला. या कारवाईमध्ये एक लाख रुपयाचे वाहन आणि पाच हजार रुपये किमतीचा काेळसा असा एकूण एक लाख पाच हजार रुपये किमतीचा मुद्देमाल जप्त केला, अशी माहिती ठाणेदार विजय मालचे यांनी दिली. याप्रकरणी कामठी (जुनी) पाेलिसांनी भादंवि ३७९ अन्वये गुन्हा नाेंदवून तपास सुरू केला आहे. ही कारवाई सहायक फाैजदार रंगराजन पिल्ले, महेश कठाणे, पंकज मानसिंगे व स्वाती चेटोले यांच्या पथकाने केली.