अवैध रेती वाहतुकीचा ट्रक पकडला

लाेकमत न्यूज नेटवर्क

माैदा : पाेलिसांनी नागपूर-भंडारा महामार्गावरील माैदानजीकच्या माथनी शिवारात केलेल्या कारवाईमध्ये विनाराॅयल्टी रेतीची वाहतूक करणारा ट्रक पकडला. यात ट्रकचालकास अटक करण्यात आली असून, त्याच्याकडून रेती व ट्रक असा एकूण ३५ लाख ३६ हजार रुपये किमतीचा मुद्देमाल जप्त केला. ही कारवाई शुक्रवारी (दि. ९) मध्यरात्री २.४० वाजताच्या सुमारास करण्यात आली.

आसाराम हिरालाल गाडरे (३८, रा. भरतवाडा राेड, नागपूर) असे अटक करण्यात आलेल्या ट्रकचालकाचे नाव आहे. माैदा पाेलिसांचे पथक गस्तीवर असताना त्यांना भंडाऱ्याहून नागपूरच्या दिशेने रेतीची वाहतूक केली जात असल्याची माहिती मिळाली हाेती. त्यामुळे त्यांनी या महामार्गावरील माथनी शिवारातील टाेलनाक्याजवळ नाकाबंदी करून वाहनांची तपासणी करायला सुरुवात केली. यात पाेलिसांनी एमएच-४०/बीजी-६४९७ क्रमांकाचा ट्रक थांबवून झडती घेतली.

त्या ट्रकमध्ये रेती आढळून येताच कागदपत्रांची तपासणी केली. ती रेतीची विनाराॅयल्टी वाहतूक असल्याचे स्पष्ट हाेताच ट्रकचालकास अटक केली. शिवाय, त्याच्याकडून ट्रकसह रेती जप्त केली. या कारवाईमध्ये ३५ लाख रुपये किमतीचा ट्रक आणि ३६ हजार रुपये किमतीची नऊ ब्रास रेती असा एकूण ३५ लाख ३६ हजार रुपये किमतीचा मुद्देमाल जप्त केला, अशी माहिती ठाणेदार हेमंतकुमार खराबे यांनी दिली. याप्रकरणी माैदा पाेलिसांनी भादंवि ३७९, १०९ अन्वये गुन्हा दाखल करून तपास सुरू केला आहे. ही कामगिरी पाेलीस उपनिरीक्षक नितीन आगासे, पाेलीस नायक मनिराम भुरे, पाेलीस शिपाई शिवाजी नागरे, जितेंद्र बाेरकर यांच्या पथकाने केली.