गुरांच्या अवैध वाहतुकीचा ट्रक पकडला

लाेकमत न्यूज नेटवर्क

माैदा : पाेलिसांच्या पथकाने नागपूर-माैदा-भंडारा राष्ट्रीय महामार्गावरील वडाेदा (ता. कामठी) शिवारात केलेल्या कारवाईमध्ये गुरांची अवैध वाहतूक करणारा ट्रक पकडला. यात दाेघांना अटक करण्यात आली असून, २६ गुरांची सुटका करीत एकूण २७ लाख ६० हजार रुपये किमतीचा मुद्देमाल जप्त केला. ही कारवाई रविवारी करण्यात आली.

आबिद शमीन अख्तर (२७, रा. विणकर काॅलनी, कामठी) व नसिम खान इस्माईल खान (३२, रा.सैलाब नगर, कामठी) अशी अटक करण्यात आलेल्या आराेपींची नावे आहेत. माैदा पाेलिसांचे पथक गस्तीवर असताना त्यांना एमएच-२०/डीई-७६१७ क्रमांकाचा ट्रक माैदाहून कामठीच्या दिशेने जाताना दिसला. संशय आल्याने पाेलिसांनी हा ट्रक वडाेदा शिवारात अडविला आणि झडती घेतली. त्या ट्रकमध्ये २६ जनावरे काेंबली असल्याचे दिसून येताच पाेलिसांनी कागदपत्रांची तपासणी केली.

ती गुरांची अवैध वाहतूक असल्याचे तसेच ट्रकमधील सर्व जनावरे कामठी शहरातील कत्तलखान्यात नेली जात असल्याचे स्पष्ट झाले. त्यामुळे पाेलिसांनी ट्रकमधील दाेघांना अटक केली आणि त्यांच्याकडून २५ लाख रुपये किमतीचा ट्रक आणि २ लाख ६० हजार रुपये किमतीची जनावरे असा एकूण २७ लाख ६० हजार रुपये किमतीचा मुद्देमाल जप्त केला. शिवाय, सुटका करण्यात आलेल्या सर्व जनावरांना नजीकच्या गाेरक्षणमध्ये पाठविण्याची व्यवस्था करण्यात आली, अशी माहिती ठाणेदार हेमंतकुमार खराबे यांनी दिली. याप्रकरणी माैदा पाेलिसांनी गुन्हा नाेंदविला असून, या घटनेचा पुढील तपास पाेलीस उपनिरीक्षक ठाकूर करीत आहेत.