दिलीप ग्वालबन्सीचे गुन्हे शंभरी पार

आपल्या टोळीमार्फत दहशत माजवीत दुसऱ्याच्या जमिनी आणि भूखंडांवर कब्जा करून कब्ज्यातील भूखंड मोकळे करण्यासाठी खंडणी वसूल करणारा ...

१९९१ पासून गुन्हेगारीत सक्रियलोकमत न्यूज नेटवर्कनागपूर : आपल्या टोळीमार्फत दहशत माजवीत दुसऱ्याच्या जमिनी आणि भूखंडांवर कब्जा करून कब्ज्यातील भूखंड मोकळे करण्यासाठी खंडणी वसूल करणारा भूमाफिया मकरधोकडा येथील रहिवासी दिलीप शिवदास ग्वालबन्सी हा १९९१ पासून गुन्हेगारीत सक्रिय असून, त्याच्याविरुद्ध विविध पोलीस ठाण्यात ११५ गुन्हे दाखल आहेत. हसनबागेतील कुख्यात गुन्हेगार समशेर अली रमजान अली याच्यानंतर दिलीप ग्वालबन्सी हा सर्वाधिक गुन्हे असलेला गुन्हेगार म्हणून चर्चेत आला आहे. शहर पोलीस दलाकडून प्राप्त झालेला दिलीप ग्वालबन्सी याचा गुन्हेगारी अभिलेख असा, सदर पोलीस ठाण्यात १९९१ मध्ये त्याच्याविरुद्ध खुनाचा गुन्हा दाखल आहे. त्याने आपल्या साथीदाराच्या मदतीने हा खून केला होता. त्यानंतर याच पोलीस ठाण्यात त्याच्याविरुद्ध भादंविच्या ३२५ (दुखापत) आणि २००० मध्ये भादंविच्या १४३, ३५२ (बेकायदेशीर जमाव करून हल्ला), असे गुन्हे दाखल आहेत. चालू वर्षी २०१७ मध्ये बनावट दस्तावेज तयार करून भूखंड बळकावण्याबाबत भादंविच्या ४१९, ४२०, ४६५, ४६७, ४६८ आणि ४७१ कलमान्वये गुन्हे दाखल आहेत. कोराडी पोलीस ठाण्यात अपराध क्रमांक १७९/२०१३ अंतर्गत भादंविच्या १४३, १४७, ४४७, ४४८ (अतिक्रमण), अपराध क्रमांक २९/२०१३ अंतर्गत ४४७, ४४८, ५०६ (ब), पुन्हा भादंविच्या ३८०, ४४७, ४४८, ४२७, अपराध क्रमांक ८१/२०१७ अंतर्गत १४३, १४८, ३४१, ३४७, ३८५, ३८७ (खंडणी), ५०४ आणि ५०६ (ब) कलमान्वये गुन्हे दाखल आहेत. अपराध क्रमांक ८५/२०१७ अंतर्गत भादंविच्या १४१, १४३, ३४१, ३५२, ३७८, अपराध क्रमांक ७७/२०१७ अंतर्गत ३४१, ३८४, ३८७, ५०६ (ब) आणि भारतीय हत्यार कायद्याच्या ३/२५, २७ कलमान्वये गुन्हे दाखल आहेत. गिट्टीखदान पोलीस ठाण्यात अपराध क्रमांक २२०/२०१२ अंतर्गत ४४७, ५०६ (अ), अपराध क्रमांक २०४/२०१२ अंतर्गत भादंविच्या ३२६, १४३, १४४, १४८, १४९, अपराध क्रमांक ६८/२०१३ अंतर्गत भादंविच्या ४४७, २९४, ५०६ (ब), अपराध क्रमांक ५६/२०१३ अंतर्गत ४४७, ४४८, २९४, ५०६ (ब), चालू वर्षी अपराध क्रमांक १२०/२०१७ अंतर्गत भादंविच्या १४१, १४३, ३४१, ३५२, ३८७, अपराध क्रमांक १२१/२०१७ अंतर्गत भादंविच्या १४३, १४७, १४९, ३४१, ३४७, ३८७, ५०४, ५०६ (ब), अपराध क्रमांक २२३/२०१७ अंतर्गत भादंविच्या ३८७, ४१९, ४२०, ४६५, ४६७, ४४७, ५०६ (ब), ४२७, १२०(ब) (गुन्हेगारी कट) आणि महाराष्ट्र सावकारी अधिनियमाच्या ३९ कलमान्वये गुन्हे दाखल आहेत. याशिवाय अपराध क्रमांक २२९/२०१७ अंतर्गत भादंविच्या ३४१, ३८४, ३८७, ५०४, ५०६(ब), अपराध क्रमांक २४७/२०१७ अंतर्गत भादंविच्या १४१, १४३, ३४१, ३५२, ३८७, ३४, अपराध क्रमांक २४८/२०१७ अंतर्गत १४३, १४७, १४९, ३४१, ३४७, ३८७, ५०४, ५०६(ब) कलमान्वये गुन्हे दाखल आहेत. मानकापूर पोलीस ठाण्यात अपराध क्रमांक ७२/२०१७ अंतर्गत भादंविच्या ३४१, ३५२, ५०४, ५०६ आणि अनुसूचित जाती-जमाती अत्याचार प्रतिबंधक कायद्याच्या कलम ३(१)(जी), (डब्ल्यू)(१)(२), ३(२)(व्हीए) गुन्हे दाखल आहेत. याशिवाय अपराध क्रमांक ७३/२०१७ अंतर्गत भादंविच्या कलम ३४१,३५२, ५०४, ५०६, अनुसूचित जाती-जमाती अत्याचार प्रतिबंधक कायद्याच्या कलम ३(१)(जी)(आर)(एस), ३(२)(व्हीए) गुन्हे दाखल आहेत.दिलीप ग्वालबन्सी याला महाराष्ट्र झोपडपट्टी दादा (एमपीडीए) कायद्यांतर्गत स्थानबद्धही करण्यात आले होते. तरीही त्याने कायद्याची कोणतीही भीती न बाळगता आपले गुन्हेगारी कृत्य सुरूच ठेवले. बैरामजी टाऊन येथील तरुण प्रॉपर्टी डीलर भूपेश सोनटक्के याला पिस्तुलाचा धाक दाखवून त्याची गोरेवाडा येथील कोट्यवधीची जमीन दिलीपने हडपली होती. भूपेशने एका चिठ्ठीत दिलीपच्या कृत्याचा पाढा लिहून आत्महत्या करताच शहर पोलीस दलात खळबळ उडाली. दिलीप ग्वालबन्सी याला अटक केल्यानंतर पोलीस आयुक्त डॉ. के. व्यंकटेशम यांनी एका आदेशान्वये विशेष तपास पथक नेमले. हे पथक दिलीप ग्वालबन्सीचे अनेक पाप चव्हाट्यावर आणत आहेत.