विजेच्या धक्क्याने बकऱ्यांचा मृत्यू

लाेकमत न्यूज नेटवर्क

कळमेश्वर : अचानक तुटलेल्या विजेच्या जिवंत तारेला स्पर्श झाल्याने तीन बकऱ्यांचा घटनास्थळीच मृत्यू झाला. ही घटना कळमेश्वर पाेलीस ठाण्याच्या हद्दीतील येरला येथील कळमेश्वर-आष्टी मार्गालगत शुक्रवारी (दि. ९) दुपारी घडली.

ईश्वर भाकरे, रा. येरला, ता. कळमेश्वर हे बकरी पालनाचा व्यवसाय करीत असून, ते शुक्रवारी नेहमीप्रमाणे त्यांच्या बकऱ्या कळमेश्वर-आष्टी मार्गाने चारायला घेऊन जात हाेते. यातील काही बकऱ्या पुढे हाेत्या तर काही मागे हाेत्या. पुढे असलेल्या बकऱ्यांपैकी तीन बकऱ्या तडफडत असल्याचे त्यांच्या निदर्शनास आले. जवळ जाऊन बघितले असता, त्या बकऱ्यांना विजेच्या जिवंत तारेला स्पर्श झाल्याने त्यांना विजेचा धक्का लागला हाेता. शिवाय, ती तार. नुकतीच तुटून खाली पडली हाेती.

या ठिकाणाहून राेज नागरिकांसह त्यांच्या जनावरांचा राबता असताे. त्यामुळे विजेच्या या तारा धाेकादायक बनल्या आहे. यात आपले ४० हजार रुपयांचे नुकसान झाले आहे, अशी माहिती ईश्वर भाकरे यांनी दिली. यासंदर्भात आपण महावितरण कंपनीच्या अधिकाऱ्यांकडे तक्रार करून याेग्य नुकसान भरपाई देण्याची मागणी केल्याचे त्यांनी सांगितले.