आशुतोष सलील पर्यटन विकास महामंडळाचे नवे व्यवस्थापकीय संचालक

महाराष्ट्र पर्यटन विकास महामंडळाच्या व्यवस्थापकीय संचालक पदावर आशुतोष सलील यांची नियुक्ती झाली आहे.

लोकमत न्यूज नेटवर्क
नागपूर : महाराष्ट्र पर्यटन विकास महामंडळाच्या व्यवस्थापकीय संचालक पदावर आशुतोष सलील यांची नियुक्ती झाली आहे. त्यांनी मंगळवारी सूत्रे स्वीकारली. यापूर्वी मुंबई महानगरपालिकेचे अपर आयुक्त होते. महाराष्ट्रातील पर्यटनाला प्रोत्साहन देऊन देशातील तसेच विदेशातील पर्यटकांना पर्यटन विकास महामंडळाच्या माध्यमातून चांगल्या सुविधा उपलब्ध करून देण्याला प्राधान्य देणार असल्याचे पदभार स्वीकारल्यानंतर सलील यांनी सांगितले. विदर्भातील पर्यटनाला प्रोत्साहन देण्यासाठी पर्यटन विकास महामंडळ पुढाकार घेईल. पर्यटकांना चांगल्या सुविधा निर्माण करण्याचा प्रयत्न असेल, असे ते म्हणाले. आशुतोष सलील यापूर्वी वर्धा व चंद्रपूर येथे जिल्हाधिकारी, मुख्य कार्यकारी अधिकारी, प्रकल्प अधिकारी म्हणून कार्यरत होते.