उमरीजवळ अपघातात दुचाकीस्वार ठार; एकजण गंभीर जखमी  

दुचाकीस्वाराने वृद्धास जोरदार धडक दिली

ठळक मुद्देअधिक उपचारासाठी नांदेडला नेताना तरुणाचा मृत्यू

उमरी : तालुक्यातील तळेगाव रस्त्यावर झालेल्या अपघातात दुचाकीस्वार ठार झाला असून एक वृद्ध गंभीर जखमी झाला आहे. राहुल भगवान पडलवाड ( १८,रा . तळेगाव ) असे मयत झालेल्या दुचाकीस्वाराचे नाव आहे. बुधवारी ( दि.२० ) सायंकाळी ७.३० वाजेच्या सुमारास ही घटना घडली. 

याबाबत अधिक माहिती अशी की, राहुल हा दुचाकीवरून  तळेगावकडे जात होता. यावेळी रस्त्याने पायी जात असलेल्या कोंडीबा जळबा डुबुकवाड ( ६०, रा. कुंचेली ) या वृद्धास राहुलच्या दुचाकीने जोरदार धडक दिली. यावेळी   दोघेही खाली पडले व गंभीररित्या जखमी झाले. राहुलच्या डोक्‍याला तर कोंडीबा डुबूकवाड यांच्या पायाला गंभीर दुखापत झाली. त्यांना उमरीच्या ग्रामीण रुग्णालयात दाखल करण्यात आले. प्रकृती बिघडल्याने वैद्यकीय अधिकारी डॉ . माधव विभूते यांनी त्यांना अधिक उपचारासाठी नांदेडला रवाना केले. मात्र रात्री अकरा वाजेच्या सुमारास वाटेतच राहुल याचा मृत्यू झाला.