चोरट्यांनी नायगाव येथे गोडावून फोडले

शहरातून चोरट्यांनी ऑटोरिक्षा लांबविला

नांदेड : भाग्यनगर ठाण्यापासून हाकेच्या अंतरावर असलेल्या राज कॉर्नर येथे अज्ञात चोरट्यांनी रस्त्यालगत उभी केलेली रिक्षा क्र. (एमएच २६. एन. २३३७) अज्ञात चोरट्यांनी लांबविली. याप्रकरणी भाग्यन पोलीस ठाण्यात मारोती कोचार यांच्या तक्रारीवरून गुन्हा दाखल करण्यात आला आहे.

विनापरवाना तलवार बाळगली, गुन्हा दाखल

नांदेड : राजनगर परिसरात विनापरवाना बेकायदेशिररित्या तलवार घेऊन फिरणाऱ्या व्यक्तीस शिवाजीनगर पोलिसांनी अटक केली आहे. याप्रकरणी सहायक पोलीस निरीक्षक रवी वाहुळे यांच्या तक्रारीवरून गुन्हा नोंदविला आहे.

आठवर्षीय मुलास पळवून नेले

नांदेड : शक्तिनगर परिसरातून २७ जुलैरोजी सकाळी १० वाजेच्यासुमारास अज्ञातानेएका आठवर्षीय मुलाचे अपहरण करण्यात आले असल्याची तक्रार भाग्यश्री शिंदे यांनी इतवारा पोलीस ठाण्यात दिली आहे. याप्रकरणी गुन्हा नोंद असूून, पोलीस तपास करीत आहेत.

दुचाकीच्या धडकेत वाजेगावात युवक ठार

नांदेड : वाजेगाव परिसरातील लाला पेट्रोल पंपाकडे जाणाऱ्या रस्त्यावर चुकीच्या दिशेने येणाऱ्या दुचाकीस्वाराने उडविल्याने २६ वर्षीय युवकाचा मृत्यू झाला आहे. याप्रकरणी शेख समीर शेख शबीर यांच्या तक्रारीवरुन विमानतळ ठाण्यात गुन्हा दाखल केला आहे.

शेतकऱ्याची गळफास लावून आत्महत्या

नांदेड : कंधार तालुक्यातील इमामवाडी येथील शेतकरी संभाजी विठ्ठल जिंके यांनी सततची नापिकी व कर्जास कंटाळून गळफास घेऊन आत्महत्या केली. ही घटना २७ जुलैरोजी घडली. याप्रकरणी बालाजी जिंके यांच्या तक्रारीवरून कंधार ठाण्यात गुन्हा दाखल केला.