जिल्ह्यात ११ लाख ६४ हजार नागरिकांचे लसीकरण

जिल्ह्यासाठी १३ सप्टेंबरपर्यंत १२ लाख ९२ हजार ११० लसींचे डोस प्राप्त झाले आहेत. त्यामध्ये कोविशिल्डचे ९ लाख ९० हजार ३० आणि कोव्हॅक्सिनच्या ३ लाख २ हजार ८० डोसचा समावेश आहे. मंगळवारी शहरी भागातील उपजिल्हा रुग्णालय त्यामध्ये देेगलूर, हदगाव, गोकुंदा, मुखेड यासह ग्रामीण रुग्णालय भोकर, बिलोली, धर्माबाद, हिमायतनगर, कंधार, माहूर, मांडवी, लोहा, मुदखेड, बारड, नायगाव व उमरी या केंद्रांवर कोविशिल्डचे प्रत्येकी १००, तसेच कोव्हॅक्सिनचेही १०० डोस उपलब्ध आहेत. ग्रामीण भागातील ६८ प्राथमिक आरोग्य केंद्रांवर कोविशिल्डचे प्रत्येकी १०० डोस देण्यात आले आहेत.

महापालिका हद्दीतील श्री गुरुगोविंदसिंघजी जिल्हा रुग्णालय, डॉ. शंकरराव चव्हाण वैद्यकीय महाविद्यालय, शासकीय आयुर्वेदिक रुग्णालय, स्त्री रुग्णालय, हैदरबाग मनपा रुग्णालय, शिवाजीनगर, जंगमवाडी, दशमेश हॉस्पिटल, कौठा, श्रावस्तीनगर, सिडको, पोर्णिमानगर, सांगवी, करबला, तरोडा, विनायकनगर आणि रेल्वे हॉस्पिटल या केंद्रांवरही कोविशिल्ड, तसेच कोव्हॅक्सिनचे प्रत्येकी १०० डोस उपलब्ध करून देण्यात आले आहेत.

नागरिकांनी लसीच्या उपलब्धतेनुसार कोरोना प्रतिबंधात्मक लस वेळेत घ्यावी, यासाठी ऑनलाईन नोंदणीही उपलब्ध करण्यात आली असल्याचे जिल्हा आरोग्य अधिकारी डॉ. बालाजी शिंदे यांनी सांगितले.