गावात निर्जंतुकीकरण मोहीम राबवावी

रोहयोची कामे सुरु करण्याची मागणी

धडगाव : काही गाव-पाड्यांमधील मजुरांच्या हाताला काम नसल्यामुळे त्यांना रोजगार हमी योजनेच्या माध्यमातून काम उपलब्ध करून देण्याची मागणी केली जात आहे. विशेष म्हणजे कोरोनाच्या संकटामुळे गावातील काही नागरिकांकडे कामच नसल्यामुळे त्यांना कुटुंबांचे पालनपोषण करताना अडचण येत आहे.

महागाई आर्थिक गणित कोलमडले

शहादा : कोरोना महामारीमुळे ग्रामीण व शहरी भागातील गृहिणींचे बजेट कोलमडले आहे. तेलाचे वाढते दर, कडधान्य, डाळीच्या दरातील वाढ, इंधन दरवाढ यामुळे दरमहा आर्थिक गणित जुळविणे अवघड होऊन बसले आहे.

साईडपट्ट्यांवर अतिक्रमण सुरूच

नंदुरबार : शहरातील बायपास लगतच्या साईडपट्ट्यांवर अतिक्रमण वाढले आहे. अनेकांनी रस्त्याच्या कडेला टपऱ्या उभ्या करून व्यवसाय सुरू केले असून, वाहनधारकांना नाहक त्रास सहन करावा लागत आहे.