तळोदा-धडगाव रस्त्यावर मोटारसायकल अपघातात युवक ठार
By भूषण.विजय.रामराजे | Published: April 16, 2023 04:42 PM2023-04-16T16:42:57+5:302023-04-16T16:43:40+5:30
धडक देणारा दुचाकीस्वारही अपघातात गंभीर जखमी झाला.
तळोदा-धडगाव रस्त्यावर मोटारसायकल अपघातात युवक ठार
Next नंदुरबार : तळोदा तालुक्यातील रोझवा पुनर्वसन गावाजवळ तळाेदा-धडगाव रस्त्यावर भरधाव वेगातील मोटारसायकल एकमेकांवर धडकून १९ वर्षीय युवक ठार झाल्याची घटना शनिवारी दुपारी चार वाजेच्या सुमारास घडली. याप्रकरणी अज्ञात मोटारसायकलस्वारा विरोधात पोलिसांत गुन्हा दाखल आहे. सुहास काकड्या वळवी (१९, रा. चांदसैली ता. धडगाव) असे अपघातात मयत झालेल्याचे नाव आहे.
सुहास वळवी हा शनिवारी दुपारी चार वाजेच्या सुमारास एमएच ३९ एजी १२३७ या दुचाकीने मित्रासोबत तळोदा येथून चांदसैली गावाकडे जात असताना रोझवा पुनर्वसन गावापासून पुढे काही अंतरावर त्याच्या दुचाकीला एमएच ३९ डी ८७५८ या मोटारसायकलने समोरून धडक दिली. धडकेत सुहास वळवी हा गंभीर जखमी झाल्याने त्याचा मृत्यू झाला. तर त्याच्या मागे बसलेला युवक गंभीर जखमी झाला. धडक देणारा दुचाकीस्वारही अपघातात गंभीर जखमी झाला. याप्रकरणी काकड्या इरमा वळवी यांनी तळोदा पोलिस ठाण्यात दिलेल्या फिर्यादीवरून एमएच ३९डी ८७५८ वरील चालकाविरोधात गुन्हा दाखल करण्यात आला आहे. तपास सहायक पोलिस उपनिरीक्षक महेंद्र जाधव करत आहेत.