साईभक्तांच्या वाहनाला अपघात

घोटी : मुंबईहून नाशिककडे जाणाऱ्या साईभक्तांच्या वाहनाला गुरुवारी (दि. ११) मध्यरात्री ३ वाजेच्या सुमारास रायगडनगरजवळ वालदेवी पुलावर विरुद्ध दिशेने येणाºया दुचाकीला वाचविताना गंभीर अपघात झाला. यामध्ये एक साईभक्त जागीच ठार झाला, तर सातजण गंभीर जखमी झाले. त्यांना नरेंद्राचार्य संस्थानच्या रुग्णवाहिकेने दवाखान्यात दाखल केले. वेळेत उपचार मिळाल्याने त्यांचे प्राण वाचले.

ठळक मुद्दे रायगडनगर परिसर : एक ठार; सात गंभीर

इगतपुरी येथील रायगडनगरजवळ वालदेवी पुलावर अपघातग्रस्त झालेले साईभक्तांचे वाहन.

घोटी : मुंबईहून नाशिककडे जाणाऱ्या साईभक्तांच्या वाहनाला गुरुवारी (दि. ११) मध्यरात्री ३ वाजेच्या सुमारास रायगडनगरजवळ वालदेवी पुलावर विरुद्ध दिशेने येणाºया दुचाकीला वाचविताना गंभीर अपघात झाला. यामध्ये एक साईभक्त जागीच ठार झाला, तर सातजण गंभीर जखमी झाले. त्यांना नरेंद्राचार्य संस्थानच्या रुग्णवाहिकेने दवाखान्यात दाखल केले. वेळेत उपचार मिळाल्याने त्यांचे प्राण वाचले.
गुरु वारी रात्री ३ वाजेच्या सुमारास मुंबईहून नाशिककडे जाणाºया साईभक्तांच्या वाहनाला (क्र . एमएच ०४ एवाय ९३९१) रायगडनगरजवळील वालदेवी पुलावर समोरून येणाºया दुचाकीला (क्र . एमएच १५ एफआर ०२९०) वाचविण्याच्या नादात दोन्ही वाहनांचा अपघात झाला. या अपघातात साईभक्त अविशेख शरद परब (२६), रा. परेल, मुंबई हे जागीच ठार झाले. अपघाताची माहिती मिळताच जगद्गुरु नरेंद्राचार्य संस्थानच्या रुग्णवाहिकेचे रुग्णमित्र निवृत्ती गुंड यांनी धाव घेत अपघातग्रस्तांना नाशिकच्या शासकीय रुग्णालयात दाखल केले. वेळेत उपचार मिळाल्यामुळे जखमींचे प्राण वाचले. जखमी साईभक्तांमध्ये सिद्धेश सुभाष कळसूलकर (२७), अभिनय सर्जेराव भोसले (२०), अभय भरत पंचाल (२१), अजित अशोक सावंत (२९), सर्व रा. परेल, मुंबई यांचा समावेश आहे. दुचाकीवरील भाऊसाहेब जाधव (३८), गोरख शेजवळ (३९), रा. पाथर्डी, नाशिक हे दोघेही जखमी झाले आहेत. वाडीवºहे पोलिसांत अपघाताची नोंद करण्यात आली असून, पोलीस निरीक्षक सुहास देशमुख यांच्या मार्गदर्शनाखाली तपास सुरू केला आहे.