औरंगाबादच्या तरूणाची दुचाकीसह शितखड्यावरून आत्महत्त्या

सप्तशृंगगड : सप्तश्रृंगीमातेच्या दर्शनासाठी औरंगाबाद येथून आलेल्या तरूणाने दुचाकीसह येथील शितकड्यावरून उडी मारून आत्महत्त्या केली. या घटनेत दुचाकीचा चेंदामेंदा झाला असून त्या तरूणाचा मृतदेहही छिन्नविछिन्न अवस्थेत सापडला. या घटनेची माहिती येथे काम करणाऱ्या कामगारांनी पोलिसांना कळवली. सदर मृतत तरूणाचे नाव प्रशांत जयवतंराव मोरे (३०, राहणार, अभिनंदन सोसायटी, विटखेडा रोड, ओरंगाबाद) असे आहे. सदर तरूणाने दुचाकी क्र एम.एच.२० सी एम ५०८६ सह शितकड्यावरून आत्महत्या केली. ही आत्महत्या गेल्या चार ते पाच दिवसांपूर्वीच केल्याची माहिती समोर आली आहे. या तरूणाचे मामा पाळे (कळवण) येथील असून झालेल्या घटनेची माहिती यांना देण्यात आली आहे. चारशे ते पाचशे फूट खोल दरीत या तरूणाचा मृतदेह चार ते पाच दिवसापासून पडून राहिल्याने मृतदेह पूर्णपणे सडून गेल्याने उग्र असा वास येत असल्याने उपजिल्हा रुग्णालय कळवण येथील डॉक्टरांना घटनास्थळी बोलविण्यात आले आहे. याबाबत अधिक तपास अभोणा येथील पोलीस निरीक्षक उमाकांत गायकवाड यांच्यासह सहायक पोलीस निरीक्षक एस. आय खाडे, पो. कॉ. योगेश गवळी, पो.कॉ. शिंदे आदी करत आहे.